मुंबई- दिग्दर्शक लव रंजनचा तू झुठी मैं मक्कार ८ मार्च रोजी प्रदर्शित झाला आणि त्याने देशातील रोम-कॉम चित्रपटासाठी बॉक्स ऑफिसवर सर्वाधिक ओपनिंग नोंदवली. या चित्रपटामध्ये रणबीर कपूर आणि श्रद्धा कपूर पहिल्यांदाच स्क्रिन स्पेस शेअर करत आहेत. या चित्रपटात रणबीर अनेक दृश्यांमध्ये त्याचे सिक्स-पॅक अ‍ॅब्स दाखवण्यासाठी शर्टलेस झाला. अभिनेत्याचा फिटनेस ट्रेनर शिवोहमने आता तो लूक मिळविण्यासाठी अभिनेता रणबीरने कसे कठोर प्रशिक्षण कसे घेतले याबद्दल खुलासा केला आहे.
इंस्टाग्रामवर रणबीरच्या फिटनेस ट्रेनरने अभिनेत्याचे दोन शर्टलेस फोटो पोस्ट केले आहेत. कॅप्शनमध्ये, शिवोहमने लूक मिळविण्यासाठी कठोर शिस्त आणि समर्पण केल्याबद्दल अभिनेता रणबीरचे कौतुक केले. शिवोहमने सांगितले की रणबीरचा लूक समर्पित, शिस्तबद्ध जीवनशैलीचे उत्तम उदाहरण आहे. तो म्हणाला की हा एक सांघिक प्रयत्न असल्याने, अर्धवट मनाने सहभागी होणे आणि इतके चांगले परिणाम मिळवणे अशक्य आहे. ध्येय गाठण्याचे आणि स्पर्धेतून बाहेर पडण्याचे पहिले कारण म्हणजे जागृत होण्याची आणि आवश्यक ते मनलावून करण्याची इच्छा, असे तो म्हणाला.