हैदराबाद(तेलंगणा) - रामोजी फिल्म सिटी The Ramoji Film City (RFC), हैदराबादला केंद्र सरकारच्या फूड सेफ्टी अँड स्टँडर्ड्स अथॉरिटी ऑफ इंडिया (FSSAI) कडून अन्न सुरक्षेमध्ये उच्च स्तरावरील मानके राखण्यासाठी प्रतिष्ठित 'इट राइट कॅम्पस पुरस्कार' ( Eat Right Campus Award ) मिळाला आहे. 'फिल्म सिटी' या नावाने प्रसिद्ध असलेल्या रामोजी फिल्म सिटीने ( RFC ) ने राष्ट्रीय अन्न नियामकाकडून हा प्रतिष्ठित पुरस्कार मिळवून आपल्या मुकुटामध्ये आणखी एक मानाचा तुरा लागला आहे.
FSSAI ने 10 जुलै 2018 रोजी राष्ट्रीय आरोग्य धोरणाचा भाग म्हणून देशाच्या आरोग्याचा दर्जा उंचावण्यासाठी 'सही भोजन, बेहतर जीवन' या घोषवाक्याखाली 'द इट राइट मूव्हमेंट' सुरू केली. जगातील सर्वात मोठ्या फिल्म स्टुडिओ कॉम्प्लेक्स असलेल्या RFC साठी या उदात्त कार्यादरम्यान हा पुरस्कार मिळणे हा सन्मान आहे. फिल्मसिटी आपल्या आवारातील प्रत्येक फूड जॉइंट्समध्ये सर्व अन्न मानकांचे आणि सुरक्षा मार्गदर्शक तत्त्वांचे काटेकोर पालन सुनिश्चित करण्यासाठी वचनबद्ध आहे. 1,666 एकरमध्ये पसरलेली, रामोजी फिल्म सिटी जगातील सर्वात मोठे एकात्मिक फिल्म सिटी आणि भारतातील एकमेव थीमॅटिक हॉलिडे म्हणून ओळखली जाते. या सुंदर जागेमध्ये तीन-तारांकित आणि पंचतारांकित श्रेणीतील हॉटेल्ससह 15 रेस्टॉरंट आहेत.