मुंबई : शिवसेनेच्या फुटीनंतर उद्धव ठाकरे हे संकटात सापडले आहेत. तरीही सुपरस्टार रजनीकांत यांनी आठवण विसरली नाही. अभिनेते रजनीकांत यांनी उद्धव ठाकरे यांच्या मुंबईतील मातोश्री निवासस्थानी जाऊन त्यांची भेट घेतली. कुटुंबियांसोबत त्यांचे फोटोही काढले. या भेटी मागे कोणतेही राजकिय कारण नसल्याचे सांगितले जात आहे.
अराजकीय भेट : रजनीकांत यांनी मुंबईत मातोश्रीवर जाऊन शिवसेना नेते उद्धव ठाकरे आणि त्यांच्या संपूर्ण कुटुंबासोबत बिगर राजकीय भेट घेतल्याचे सांगण्यात येत आहे. यावेळी उद्धव ठाकरे यांच्या पत्नी रश्मी ठाकरे आणि त्यांची दोन मुले आदित्य ठाकरे आणि तेजस ठाकरेही उपस्थित होते.ही राजकीय बैठक नसून सुपरस्टार आणि सुप्रसिद्ध कलाकार रजनीकांत हे शिवसेना नेत्यासोबत अशी अनौपचारिक भेट घेण्यासाठी गेले होते, असेही या माहितीत सांगण्यात आले आहे. आदित्य ठाकरे यांनी त्यांच्या सोशल मीडिया अकाऊंटवर सुपरस्टार रजनीकांत यांच्यासोबतचा एक फोटो शेअर केला आणि लिहिले की.. मातोश्रीवर पुन्हा एकदा श्री. रजनीकांत जी यांना भेटून खूप आनंद होत आहे.
रजनीकांत हे बाळ ठाकरे यांचे समर्थक :शिवसेना (यूबीटी) नेत्याने सांगितले की, रजनीकांत हे शिवसेनेचे संस्थापक दिवंगत बाळ ठाकरे यांचे मोठे समर्थक आहेत. उद्धव ठाकरे यांच्या पत्नी रश्मी ठाकरे आणि मुलगे आदित्य ठाकरे आणि तेजस ठाकरे यांनी वांद्रे येथील त्यांच्या 'मातोश्री' या निवासस्थानी अभिनेत्याचे चांगले स्वागत केले. ऑक्टोबर 2010 मध्ये रजनीकांत यांनी मातोश्रीवर बाळ ठाकरे यांची भेट घेतली होती. जुलै 2021 मध्ये, रजनीकांत यांनी जाहीर केले की तो त्यांचा राजकीय पक्ष रजनी मक्कल मंद्रम विसर्जित करेल आणि भविष्यात राजकारणात प्रवेश करण्याचा त्यांचा कोणताही इरादा नाही. उद्धव ठाकरे यांच्या नेतृत्वाखालील शिवसेनेचा गट हा महाविकास आघाडीचा घटक आहे. राष्ट्रवादी आणि काँग्रेस हे त्यांचे इतर घटक आहेत.
रजनीकांत वानखेडे स्टेडियमवर :रजनीकांत वानखेडे स्टेडियमवर भारत आणि ऑस्ट्रेलिया यांच्यातील एकदिवसीय सामना पाहण्यासाठी क्रिकेटच्या मैदानावर गेले होते. यावेळी ते भारतीय क्रिकेट नियामक मंडळाच्या अधिकाऱ्यांसोबत दिसले. रजनीकांत हे नाते जपण्यासाठी ओळखले जातात. म्हणूनच ओळखीच्यांच्या निमंत्रणावरून ते भेटायला जातात.
हेही वाचा :Uorfi Javed lashes out at Sonali Kulkarni : उर्फी जावेदची सोनाली कुलकर्णीला असंवेदनशील म्हणत टीका
