मुंबई - अभिनेत्री त्रिशा कृष्णनने मणिरत्नमच्या पीरियड फिल्म पोन्नियिन सेल्वन 2 चित्रपटाच्या स्टार कास्टचा एक फोटो शेअर केला आहे ज्यामध्ये विक्रम, जयम रवी, कार्ती, ऐश्वर्या लक्ष्मी आणि शोभिता यांचा समावेश आहे. सध्या टीम पोन्नीयन सेल्वन २ च्या प्रमोशनमध्ये गुंतली आहे. इन्स्टाग्राम स्टोरीजवर त्रिशाने चित्रपटाची टीम दिल्लीकडे रवाना झाल्याचे म्हटलंय.
पोन्नीयन सेल्वन 2 ची स्टार कास्ट प्रमोशनसाठी दिल्लीला रवाना पोन्नीयन सेल्वन २ टीम दिल्लीच्या दिशेने- फोटोत अभिनेत्री त्रिशा कृष्णन रंगीबेरंगी स्ट्रीप ड्रेस घातलेली दिसत आहे. ती मध्यभागी उभी आहे तर इतर लोक तिच्याकडे झुकले आहेत. सर्वांनी इन्फॉर्मल कपडे घातले आहेत. चित्रपटाच्या प्रमोशनसाठी कलाकार भारताच्या राजधानीत येण्यासाठी चार्टर्ड फ्लाइटमध्ये बसले आहेत.
पोन्नीयन सेल्वन 2 ची स्टार कास्ट प्रमोशनसाठी दिल्लीला रवाना पोन्नीयन सेल्वन २ ची प्रतीक्षा - पोन्नीयन सेल्वन २ हा मणिरत्नमच्या बॉक्स ऑफिसवरील हिट चित्रपट पोन्नीयिन सेल्वनचा सिक्वेल आहे, जो गेल्या वर्षी प्रदर्शित झाला होता. या चित्रपटात विक्रम, त्रिशा कृष्णन कार्तिक शिवकुमार, जयम रवी आणि ऐश्वर्या राय बच्चन यांच्या प्रमुख भूमिका आहेत. PS 2 चा टीझर डिसेंबरमध्ये रिलीज झाला होता. रुआ रुआ हे पहिले गाणे नुकतेच निर्मात्यांनी हिंदीत रिलीज केले. शिल्पा रावने हे गाणे गायले आहे, तर गीत गुलजार यांनी लिहिले आहे.
पोन्नीयन सेल्वन 2 ची स्टार कास्ट प्रमोशनसाठी दिल्लीला रवाना कादंबरीवर आधारित चित्रपट - पोन्नीयिन सेल्वन-भाग 1 हे लेखक कल्की कृष्णमूर्ती यांच्या त्याच नावाच्या तमिळ कादंबरीचे चित्रपट रूपांतर होते, जे 1950 च्या दशकात मालिका म्हणून प्रकाशित झाले होते. 2010 मधील त्यांच्या समीक्षकांनी प्रशंसित केलेल्या रावण चित्रपटानंतर ऐश्वर्या आणि विक्रम तिसख्या वेळ एकत्र काम करत आहेत. या चित्रपटात ऐश्वर्याने दुहेरी भूमिका साकारल्या होत्या. ऐतिहासिक नाट्यमय चित्रपटात राणी नंदिनी, पझुवूरची राजकुमारी सूडाच्या मोहिमेवर आहे. कुंदवाईची भूमिका त्रिशा साकारणार आहे. हा बिग-बजेट चित्रपट हिंदी, तमिळ, तेलगू, कन्नड आणि मल्याळममध्ये जगभरात प्रदर्शित झाला. क्लासिक तमिळ कादंबरीच्या चित्रपट रूपांतराचा अंतिम भाग पोन्नीयन सेल्वन, या एप्रिलच्या शेवटी चित्रपटगृहांमध्ये प्रदर्शित होईल.
हेही वाचा -Shah Rukh Khan With Family : शाहरुख खानचे कुटुंबासह न पाहिलेले फोटो; नेटिझन्स म्हणाले 'आमचे पठाण कुटुंब'
