प्रियंकाची आई मधु चोप्राचा वाढदिवस, आजीच्या मांडीवर दिसली प्रियंकाची लेक

प्रियंका चोप्राने तिची आई मधू चोप्राला वाढदिवसाच्या शुभेच्छा दिल्या आहेत. प्रियांकाने एक सुंदर फोटोही शेअर केला आहे.

मुंबई - बॉलिवूडची देसी गर्ल प्रियांका चोप्राने तिची आई मधु चोप्राला वाढदिवसाच्या शुभेच्छा दिल्या आहेत. यासंदर्भात अभिनेत्रीने सोशल मीडियावर आईच्या नावाने एक सुंदर पोस्टही केली आहे. या पोस्टमध्ये प्रियांका चोप्राने तिच्या आईचा एक अतिशय सुंदर फोटो शेअर केला आहे. तसेच कॅप्शनमध्ये प्रियांकाने तिच्या आईसाठी एक अतिशय हृदयस्पर्शी गोष्ट लिहिली आहे. यासोबतच प्रियांकाचा पती निक जोनासने एका पोस्टद्वारे सासूला वाढदिवसाच्या शुभेच्छा दिल्या आहेत.

आजीच्या मांडीवर दिसली मालती चोप्रा जोनास- प्रियंका चोप्राने तिच्या आईला वाढदिवसाच्या शुभेच्छा देताना एक फोटो सोशल मीडियावर शेअर केला आहे. या फोटोमध्ये प्रियांका चोप्रा आणि मधु चोप्रा दिसत आहेत. तसेच नात मालती चोप्रा जोनास मधु चोप्राच्या मांडीवर विश्रांती घेत आहे. या फोटोवर चाहते भरभरून प्रेम करत आहेत.

हा फोटो शेअर करत प्रियंका चोप्राने लिहिले, "वाढदिवसाच्या शुभेच्छा आई, तू नेहमी तुझ्या प्रेमळ हास्याने हसतेस, तुझ्या अनुभवांनी आणि उत्कटतेने तू मला खूप प्रेरित केले आहेस. तुझा एकटीचा युरोप दौरा माझ्या आजवरचे सर्वात चांगल्या बर्थडे सेलेब्रिशनपैकी एक होते."

प्रियंकाची आई मधु चोप्राचा वाढदिवस

निक जोनासने सासूला वाढदिवसाच्या शुभेच्छा दिल्या - दुसरीकडे, निक जोनासनेही सासूला वाढदिवसाच्या शुभेच्छा देताना लिहिले आहे, ''माझ्या अतुलनीय सासूला वाढदिवसाच्या शुभेच्छा.'' या पोस्टमध्ये निकने सासू मधूसोबतचा एक सुंदर फोटोही शेअर केला आहे. आता निक आणि प्रियांकाचे चाहते जोडप्याच्या पोस्टला लाईक करून वाढदिवसाच्या शुभेच्छा देत आहेत.

हेही वाचा -'सूरराई पोत्रू'च्या हिंदी रिमेकमध्ये अक्षय कुमारसोबत कॅमिओ साकारणार सुर्या