मुंबई - प्रियांका चोप्राने सोमवारी पहाटे तिची मुलगी मालती मेरी चोप्रा जोनास पांढऱ्या बेडशीटने झाकलेल्या लहान पलंगावर झोपलेली एक झलक शेअर केली. अभिनेत्रीने तिच्या इंस्टाग्राम स्टोरीमध्ये तिच्या मुलीचा चेहरा खाली आणि कॅमेऱ्यापासून दूर ठेवून तिच्या पोटावर पडलेला फोटो शेअर केला. फोटोमध्ये, लहान मेरी क्रीम रंगाच्या शालमध्ये गुंडाळलेले आणि निळे कपडे घातलेली दिसत आहे.
हा फोटो शेअर करताना प्रियंका चोप्राने बेडटाइम स्टोरीज असे लिहित हार्ट इमोजीसह शेअर केले आहे. दरम्यान, प्रियांकाचा पती निक जोनासनेही त्याच्या इंस्टाग्राम स्टोरीवर एक फोटो पोस्ट केला. गायकाने त्याचे पांढरे स्नीकर्स आणि मालतीचे मॅचिंग शूज कार्पेट केलेल्या जमिनीवरील फोटो शेअर केले. फोटोच्या कॅप्शनमध्ये त्याने लिहिलंय, 'डॅडी एक्स डॉटर.'
मालती मेरीचा जन्म - प्रियंका आणि निक यांनी गेल्या वर्षी सरोगसीद्वारे पालक होण्याचा निर्णय घेतला होता. जेव्हा मालती मेरी घरी दाखल झाली तेव्हाचा आनंद जोनास परिवाराने साजरा केला होता. तोव्हा पासून आतापर्यंत त्यांनी आपल्या मुलीचा चेहरा शक्य तितका मीडियाच्या समोर आणलेला नाही. अनेक वेळा दोघेही मालती मेरीसोबतचे फोटो पोस्ट करतात, मात्र तिचा चेहरा कॅमेऱ्यात दिसणार नाहीत याची काळजी घेतात.