मुंबई - Preity Zinta :हिंदी चित्रपटसृष्टीतील 'डिंपल गर्ल' प्रीटी झिंटा भलेही चित्रपटांपासून दूर असली, तरी ती सोशल मीडियावर नेहमीच सक्रिय असते. प्रीटी लग्नापासून चित्रपटांपासून दूर आहे. ती तिच्या पतीसोबत परदेशात राहते. ती नेहमी तिच्या पतीसोबत सोशल मीडियावर फोटो शेअर करत असते. दरम्यान तिनं तिच्या इंस्टाग्रामवर आज 4 जानेवारी रोजी एक फोटो शेअर केला आहे. या फोटोमध्ये प्रीटी पती जीन गुडइनफसोबत फोटोसाठी पोझ देताना दिसत आहे. प्रीटीनं फोटोत काळ्या रंगाच्या ट्रॅक सूट घातला आहे.
प्रीटीनं शेअर केला फोटो : प्रीटी झिंटानं तिच्या पोस्टच्या कॅप्शनमध्ये लिहिलं, 'पति परमेश्वर'. दरम्यान तिच्या या पोस्टवर अनेकजण कमेंट्स करत आहे. एका चाहत्यानं या फोटोच्या कमेंट विभागात लिहिलं, ''बॉलिवूडमधली सर्वात सुंदर अभिनेत्री.'' दुसऱ्या एकानं लिहिलं, ''प्रीटी नेहमीच सुंदर दिसते, मी तुझा चाहता आहे.'' आणखी एकानं लिहिलं, ''तुझा फोटो खूप सुंदर आहे.'' अशा अनेक कमेंट्स या फोटोवर येत आहेत. याशिवाय काहीजण या फोटोवर हार्ट आणि फायर इमोजी पोस्ट करून प्रीटीवर प्रेमाचा वर्षाव करताना दिसत आहे. प्रीटी झिंटानं याआधी आपल्या पतीसोबतचे न्यू इयर सेलिब्रेशनचे फोटो आणि व्हिडिओ शेअर केले होते. या फोटोमध्ये ती खूप सुंदर दिसत होती. तिनं शेअर केलेल्या व्हिडिओमध्ये ती पतीसोबत एन्जॉय करताना दिसली.