Ponniyin Selvan 2 trailer out: चोल साम्राज्याची महाकाव्य गाथा असलेला पोन्नियिन सेल्वन 2 चा नेत्रसुखद ट्रेलर रिलीज

मणिरत्नमच्या पोनियिन सेल्वन 2 चा ट्रेलर रिलीज झाला आहे आणि त्यामुळे प्रेक्षकांची चित्रपटाबद्दलची उत्सुकता वाढली आहे. या चित्रपटात ऐश्वर्या राय बच्चन, चियान विक्रम, कार्ती, जयम रवी, ऐश्वर्या लक्ष्मी, लाल, त्रिशा आणि शोभिता धुलीपाल यांच्या प्रमुख भूमिका आहेत.

हैदराबाद- मणिरत्नमच्या पोन्नियिन सेल्वन 2 चा ट्रेलर अखेर रिलीज झाला आहे. या नेत्रसुखद ट्रेलरने प्रेक्षकांना भुरळ घातली आहे. 1950 च्या दशकात, लेखक कल्की कृष्णमूर्ती यांची तमिळ कादंबरी पोन्नियिन सेल्वन मालिकेच्या रूपात प्रसिद्ध झाली होती आणि हा चित्रपट त्याच नावाचे सिनेमॅटिक रूपांतर आहे. पोन्नियिन सेल्वन 2 मध्ये ऐश्वर्या राय बच्चन, चियान विक्रम, कार्ती, जयम रवी, ऐश्वर्या लक्ष्मी, लाल, त्रिशा आणि शोभिता धुलीपाल, यासह इतर कलाकार आहेत.

दुसऱ्या भागाची सुरूवात- बुधवारी चेन्नईतील एका खास कार्यक्रमात निर्मात्यांनी हा ट्रेलर रिलीज केला. सिक्वलचा ट्रेलर प्रेक्षकांना चित्रपटाच्या एपिक स्केलसह मनाला भुरळ घालतो. जिथे पोन्नियिन सेल्वन मरणार होते आणि ओमाई राणी किंवा मंदाकिनी (ऐश्वर्या) कबुतराला वाचवण्यासाठी पाण्यात उतरते तिथे पहिला भाग जिथून संपला होता आणि तिथून दुसरा भाग सुरू होतो. ट्रेलरमधील तिच्या दिसण्याने ऐश्वर्याने निःसंशयपणे सर्वांचे लक्ष वेधून घेतले आहे. PS1 मध्ये चित्रित केलेल्या पांड्यांचा शासक वीरपांडियनच्या मृत्यूचा बदला घेण्याची तिची इच्छा आहे. एका दृश्यात ती म्हणते, आम्ही चोलांचा नाश करू.

ट्रेलर पाहून चाहते समाधानी - ट्रेलरने प्रेक्षकांना प्रभावित केले आहे. एका सोशल मीडिया युजरने प्रतिक्रिया दिली की, 'PS2 हे केवळ चित्रपटाचे नाव नाही, तर जगभरातील लाखो लोकांसाठी ती भावना आहे'. आणखी एकाने टिप्पणी केली, 'या PS2 चित्रपटासाठी मी खूप उत्सुक आहे, विशेषत: ऐश्वर्या राय जी नंदिनी आणि मंदाकिनी या दोन भूमिका साकारत आहे, दोन्ही भूमिका दमदार आणि सशक्त आहेत. ट्रेलर खूप चांगला बनवला आहे आणि संपूर्ण टीम पोन्नियिन सेल्वन 2 टीमचे अभिनंदन. त्यासाठी शुभेच्छा. PS2.' ट्रेलर लाँचच्या वेळी ऐश्वर्याने पोन्नियिन सेल्वन यांच्यावरील प्रेम आणि समर्थनासाठी लोकांचे आभार मानले. 28 एप्रिल रोजी प्रदर्शित होणाऱ्या या चित्रपटाच्या ट्रेलर लाँचला कमल हासन खास पाहुणे म्हणून उपस्थित होते.