मुंबई - मधु मंटेना आणि इरा त्रिवेदी यांनी मुंबईतील पंचतारांकित जेडब्ल्यू मॅरियट हॉटेलमध्ये लग्नाचे रिसेप्शन आयोजित केले होते. यासाठी आमिर खान, हृतिक रोशन, अनिल कपूर, जॅकी श्रॉफ यांच्यासह अनेक सेलिब्रिटींनी या कार्यक्रमाला हजेरी लावली होती. हृतिक रोशन, अल्लू अर्जुन आणि आमिर खान या त्रिकुटाने एकतर फोटोसाठी पोज दिली तो क्षण नेटिझन्सचे लक्ष वेधणारा होता.
रिसेप्शन पार्टीत तिन्ही सुपरस्टार एन्जॉय करताना दिसले. त्यांनी एकमेंकाचे हासून स्वागत केले जे दिग्गज सेलेब्रिटींच्या मांदियाळीत एक आकर्षण बनले होते. विवाब बंधनात अडकल्यानंतर मधु आणि इरा यांनी त्यांच्या मित्रांसाठी आणि चित्रपट व्यवसायातील सहकाऱ्यांसाठी लग्नाचे रिसेप्शन ठेवले होते, ज्यामध्ये हृतिक रोशन त्याची प्रेयसी सबा आझाद सोबत हजर राहिला होता.
काळ्या रंगाच्या टक्सिडोमध्ये ह्रतिक रोशन डॅपर दिसत होता. आमिर खानने पांढरा कुर्ता आणि डेनिम जीन्स परिधान केली होती. दुसरीकडे साऊथचा सुपरस्टार अल्लू अर्जुन काळ्या कुर्त्यामध्ये डॅशिंग दिसत होता. फोटोंमध्ये हृतिक आणि अल्लू एकमेकांशी मैत्रीपूर्ण वागताना दिसत असून ही फोटो पोज आमिर खान एन्जॉय करताना दिसला.
रिसेप्शन समारंभासाठी मधूने निळ्या रंगाचा पारंपारिक पोशाख परिधान केला होता, तर इरा पांढऱ्या टोन्डच्या सिक्वेन्स केलेल्या लेहेंग्यात अतिशय सुंदर दिसत होती. तिने तिचे केस मोकळे ठेवले आणि हिरव्या पन्ना डायमंड सेटसह ऍक्सेसराइज केले. या समारंभासाठी इराने तिच्या लग्नाला मॅचिंग टॉप आणि गोल्डन स्टेटमेंट बेल्टसह आकर्षक गुलाबी साडी नेसली होती. तिने स्टेटमेंट नेकलेस आणि ट्रेंडी मांग टिकासह तिचा लूक आकर्षक बनवला होता.