Pathaan Box Office Collection Day 9 : शाहरुखच्या पठाण चित्रपटाने गाठला ७०० कोटींचा आकडा

शाहरुख खानच्या पठाण चित्रपटाने 9व्या दिवसाच्या कमाईसह जागतिक बॉक्स ऑफिसवर 700 कोटींचा आकडा गाठला आहे. आता पठाण 1000 कोटींकडे वाटचाल करत आहेत.

मुंबई- शाहरुख खानने पुन्हा एकदा आपण बॉलिवूडचा बादशाह असल्याचे सिध्द केले आहे. चार वर्षानंतर रुपेरी पडद्यावर पुनरागमन करताना पठाण चित्रपटाचा दबदबा निर्माण केला आहे. पठाणने त्याची लोकप्रियताच परत मिळवून दिली नाही तर बॉक्स ऑफिसवर तुफान कमाई करत अनेक नवे विक्रमही आपल्या नावावर केले आहेत. पठाण 25 जानेवारीला रिलीज झाला होता आणि आता या चित्रपटाने 9 दिवसांत चांगली कमाई केली आहे. आश्चर्याची गोष्ट म्हणजे दुसरा वीकेंड संपण्यापूर्वीच पठाणने जगभरातील बॉक्स ऑफिसवर 700 कोटींचा आकडा गाठला आहे.

9व्या दिवशी पठाणची कमाई- पहिल्या दिवशी ५५ कोटींचे खाते उघडणाऱ्या पठाण या अ‍ॅक्शन चित्रपटाने 9व्या दिवशीही दुहेरी अंकात कमाई करून धमाका केला आहे. या चित्रपटाने 9व्या दिवशी भारतीय बॉक्स ऑफिसवर 15.50 कोटी रुपयांचे निव्वळ कलेक्शन केले आहे. आता देशांतर्गत बॉक्स ऑफिसवर पठाणची एकूण कमाई 364 कोटींवर गेली आहे. यामुळे 'पठाण'ने पुन्हा एकदा शाहरुखचा आत्मविश्वास उंचावला आहे.

पठाणने 700 कोटींचा टप्पा पार केला - पठाण चित्रपटाकडून ज्या अपेक्षा निर्माता, दिग्दर्शक आणि शाहरुखने बाळगल्या होत्या त्याहून चित्रपटाला अपार लोकप्रियता मिळाल्याचे स्पष्ट झाले आहे. पठाणने 9व्या दिवसाच्या कमाईतून जगभरात 700 कोटींचा आकडा पार केला आहे. या चित्रपटाने 8व्या दिवशी 667 कोटींची कमाई केली. यावरून पठाणची जादू अजूनही सुरू असल्याचे दिसून येते. दरम्यान, चित्रपटाची तिकिटे 25 टक्क्यांनी स्वस्त करण्यात आली आहेत, ज्यामुळे दुसऱ्या वीकेंडला चित्रपटाच्या कलेक्शनमध्ये मोठी झेप पाहायला मिळाली.

शाहरुख खानसोबत, जॉन अब्राहम आणि दीपिका पदुकोण यांच्या कारकिर्दीतील हा सर्वाधिक कमाई करणारा चित्रपट बनला आहे. त्याचवेळी शाहरुखचे चार वर्षांनंतरचे पुनरागमन इतके धमाकेदार असेल की कोणीही विचार केला नव्हता.

यशराज फिल्म्सच्या गुप्तहेर विश्वाचा पठाणकडून नवा विक्रम- पठाण या चित्रपटाची निर्मिती यशराज फिल्म्सने केली होती. यशारजच्यावतीने गुप्तहेरांचे विश्व दाखवणाऱ्या चार चित्रपटांची निर्मिती आजपर्यंत झाली आहे. त्यातील चौथा चित्रपट पठाण आहे. याची सुरुवात सलमान खानच्या एक था टायगर या चित्रपटापासून २०१२ ला झाली होती. त्यानंतर टायगर जिंदा है याची निर्मिती २०१७ मध्ये करण्यात आली. यातही सलमान मुख्य भूमिकेत होता. यानंतर ह्रतिक रोशन आणि टायगर श्रॉफ यांची प्रमुख भूमिका असलेला वॉर हा चित्रपट २०१९ मध्ये प्रदर्शित झाला व यशराज फिल्म्सच्या गुप्तहेर विश्वातील पठाणने या संकल्पनेचा कळस निर्माण केला आहे. एक था टायगरने जगभरातील बॉक्स ऑफिसवर ३१८ कोटींची कमाई केली होती. त्यानंतर आलेल्या टायगर जिंदा हैने जगभरातील बॉक्स ऑफिसवर ५५९ कोटींची कमाई केली होती. यानंतर ह्रतिक रोशन आणि टायगर श्रॉफच्या वॉरने ४७७ कोटींची कमाई करुन नवा विक्रम केला होता. आता यशराजच्या या विक्रमांना पठाण चित्रपटाने मागे सोडले असून ९ व्या दिवशी तब्बल ७०० कोटींची कमाई केली आहे.

हेही वाचा -Movies And Web Series On Ott : फेब्रुवारीत होणारा धमाका, रिलीज होणार ५ चित्रपट आणि वेब सिरीज