Pathaan Box Office Collection Day 3 : 'पठाण'ची कमाई तिसऱ्या दिवशी घसरली, पहिल्या दोन दिवसांत तोडले अनेक रेकाॅर्ड

'पठाण'ने पहिल्या दोन दिवसात बॉक्स ऑफिसवर धमाल केली. परंतु, तिसऱ्या दिवशी चित्रपट बॉक्स ऑफिसवर सुस्त झाला. यावर आम्ही 'पठाण'च्या तिसऱ्या दिवसाच्या कमाईसह एकूण किती कलेक्शन झाले याचा सविस्तर रिपोर्ट बनवला. पाहूयात पठाणची तिसऱ्या दिवसाची वाटचाल.

मुंबई : पहिल्याच दिवशी बॉक्स ऑफिसवर खळबळ माजवणाऱ्या शाहरुख खानच्या 'पठाण'ने दुसऱ्या दिवशी 70 कोटींची कमाई करीत बॉक्स ऑफिसवर धुमाकूळ घातला. २६ जानेवारीच्या सुटीत 'पठाण'ने हा पराक्रम केला. त्याचवेळी, 25 जानेवारीला नॉन हॉलिडेला रिलीज झालेल्या या चित्रपटाने भारतीय बॉक्स ऑफिसवर 57 कोटी रुपयांचे खाते उघडले. आता या चित्रपटाची तिसऱ्या दिवसाची कमाई समोर आली आहे. पहिल्या आणि दुसऱ्या दिवसाच्या तुलनेत तिसऱ्या दिवशी 'पठाण'ची कमाई खूपच कमी आहे. मात्र, या चित्रपटाने जगभरात 300 कोटींचा टप्पा ओलांडला असून, भारतीय बॉक्स ऑफिसवर 150 कोटी रुपयांचा टप्पा ओलांडला आहे.

पठाण बॉक्स ऑफिस कलेक्शन दिवस 3 :'पठाण'ने तिसऱ्या दिवशी देशांतर्गत बॉक्स ऑफिसवर 34 कोटींची कमाई केली आहे, जी दुसऱ्या दिवसाच्या कलेक्शनच्या (70 कोटी) निम्मेही नाही. पठाणने दुसऱ्या दिवसाच्या कमाईत हिंदी पट्ट्यातील सर्व रेकॉर्ड उद्ध्वस्त केले होते. मात्र, तिसऱ्या दिवसाच्या कमाईत तो 'दंगल', 'बाहुबली-2' आणि 'केजीएफ-2' पेक्षा खूपच मागे पडला.

या चित्रपटांचे रेकॉर्ड नाही तुटले :शुक्रवारी (सार्वजनिक सुटी नसताना) 'पठाण' पुन्हा एकदा निस्तेज दिसला. 'पठाण'च्या तुलनेत इतर हिंदी-दक्षिण चित्रपटांच्या तिसऱ्या दिवसांच्या कमाईबद्दल बोलायचे, तर रणबीर कपूर स्टारर 'संजू' (46.71 कोटी) , बाहुबली-2 (46.5 कोटी), KGF-2 (42.09 कोटी), सलमान खानचा चित्रपट 'टायगर जिंदा है' (45.53) आणि आमिर खानचा चित्रपट 'दंगल'ने 41.34 कोटींची कमाई केली.

पठाणची 3 दिवसांत 300 कोटींची कमाई :'पठाण'ने तीन दिवसांत जगभरात 300 कोटींचा टप्पा ओलांडला आणि दुसरीकडे या चित्रपटाने देशांतर्गत बॉक्स ऑफिसवर तीन दिवसांत 150 कोटींचा टप्पा ओलांडला आणि 162 कोटींची कमाई केली.

दुसऱ्या दिवशी केली रेकाॅर्डब्रेक कमाई : पठाण चित्रपटाने दुसऱ्या दिवशी म्हणजेच २६ जानेवारीला (प्रजासत्ताक दिन) ७० कोटींहून अधिक कमाई केली आहे. त्याने अनेक मोठे विक्रम मोडले आहेत. 'पठाण'चे यश हा चित्रपट नसून, शाहरुखच्या संपूर्ण कुटुंबाचा प्रवास ठरला आहे. दुसरीकडे, गौरी खानने हा चित्रपट पाहिल्यावर ती भावूक झाली आणि पठाणच्या या जबरदस्त कमाईने जगभरात खळबळ माजवली असताना गौरी खानच्या डोळ्यांत पाणी आले. कारण शाहरुख खानने गेल्या चार वर्षांत पठाणवर किती रक्त आणि घाम गाळला आहे, हे गौरी आणि तिच्या मुलांना चांगलेच माहिती आहे.

बॉलिवूडचा बादशहा शाहरुख खानने तब्बल चार वर्षांनी 'पठाण' चित्रपटातून धमाकेदार पुनरागमन केले आहे. चाहत्यांची वाढती क्रेझ आणि कोलाहल या दरम्यान हा चित्रपट बुधवारी (25 जानेवारी) प्रदर्शित झाला. चित्रपट येताच त्याच्या वादाला तोंड फुटले. त्यातील आक्षेपार्ह दृश्ये यामुळे चित्रपटाच्या बाॅयकाॅटच्या चर्चा होऊ लागल्या. चित्रपट प्रदर्शित होण्यापूर्वीच चित्रपट वादात अडकला होता.