मुंबई :शाहरुख खानने पुन्हा एकदा आपणच बॉलिवूडचा खरा 'बादशाह' असल्याचे सिद्ध केले आहे. होय, शाहरुखच्या 'पठाण'ने बॉक्स ऑफिसवर त्सुनामी आणली आहे. 'पठाण'ने दोन दिवसांत इतकी कमाई केली आहे की, त्याने हिंदी चित्रपटसृष्टीचे सर्व रेकॉर्ड मोडले आहेत. जगभरातील मोठ्या ओपनिंगनंतर पठाणने दोन दिवसांच्या कमाईने बॉक्स ऑफिसवर धुमाकूळ घातला आहे. 25 जानेवारी रोजी प्रदर्शित झालेल्या या चित्रपटाने 26 जानेवारीच्या रात्रीपर्यंत भारतीय बॉक्स ऑफिसवर 100 कोटींचा टप्पा ओलांडला आहे.
106 कोटींचे ओपनिंग कलेक्शन :'पठाण'ने जगभरात बॉक्स ऑफिसवर 106 कोटींचे ओपनिंग कलेक्शन केले होते. पठाणने देशांतर्गत बॉक्स ऑफिसवर 57 कोटी रुपयांचे खाते उघडले. 'पठाण' हा हिंदी चित्रपटसृष्टीतील आतापर्यंतचा सर्वात मोठा ओपनिंग करणारा चित्रपट ठरला आहे. चित्रपटाच्या दुस-या दिवशी भारतात 60 ते 65 कोटींचे कलेक्शन अपेक्षित होते, पण 'पठाण'ने या अपेक्षेपेक्षाही पुढे जाऊन 70 कोटींची कमाई केली.
जगभरात 235 कोटींची कमाई :'पठाण'ने दोन दिवसांत भारतीय बॉक्स ऑफिसवर 127 कोटींची कमाई करून इतिहास रचला आहे. 'पठाण' चित्रपटाला प्रजासत्ताक दिनी मोठा फायदा झाला आणि दुसऱ्या दिवशीच चित्रपटाच्या कमाईने 100 कोटींचा आकडा पार केला. त्याचबरोबर ट्रेड अ‍ॅनालिस्ट रमेश बाला यांच्या मते 'पठाण' चित्रपटाने दोन दिवसांत जगभरात 235 कोटींची कमाई केली आहे.
संपूर्ण स्टारकास्टने विक्रम केला :'पठाण' चित्रपटाच्या संपूर्ण स्टारकास्टचा आणि दिग्दर्शक सिद्धार्थ आनंद यांचा हा पहिलाच चित्रपट आहे, ज्याने पहिल्या दिवशी आतापर्यंत सर्वाधिक कलेक्शन केले आहे. 'पठाण'ने यश स्टारर साउथ फिल्म 'KGF-2' चा कमाईचा रेकॉर्डही मोडला आहे. हिंदी आवृत्तीमध्ये, 'KGF-2' ने दुसऱ्या दिवशी हिंदी बॉक्स ऑफिसवर 47 कोटी रुपयांची कमाई केली, तर पठाणने 70 कोटी रुपयांची कमाई केली. 'पठाण'ने संपूर्ण जगात वादळ निर्माण केले आहे. काश्मीरमध्येही 32 वर्ष जुना रेकॉर्ड मोडला गेला आहे. 32 वर्षांनंतर काश्मीरमधील सर्व चित्रपटगृहांना हाऊसफुल्लचे बोर्ड लागले आहेत.
चाहत्यांमध्ये एक वेगळीच क्रेझ : चाहत्यांनी किंग खानच्या पोस्टरला तिकिटांसह पुष्पहार अर्पण केला. सध्या सोशल मीडियावर पठाणचा चांगलाच गाजावाजा सुरू आहे. शाहरुख खानचा पठाण इतिहास रचण्याच्या मार्गावर आहे. चित्रपट प्रदर्शित झाल्यानंतर चाहत्यांमध्ये एक वेगळीच क्रेझ पाहायला मिळत आहे. सोशल मीडियावर एक व्हिडिओ व्हायरल झाला आहे, ज्यामध्ये काही लोक तिकीटांसह किंग खानच्या फोटोला हार घालत आहेत. होय, सर्वांनी पठाणांचे टी-शर्ट घातले आहेत आणि हार घालून लोकांमध्ये तिकिटे वाटली आहेत. शाहरुखने चाहत्यांचा हा व्हिडिओ शेअर करत सर्वांचे आभार मानले आणि प्रेमही व्यक्त केले.
दमदार अ‍ॅक्शन : गँग्स ऑफ वासेपूर आणि देव डी सारख्या दमदार चित्रपटांचे दिग्दर्शक अनुराग कश्यप यांनी पठाण चित्रपट पाहिला आणि चित्रपटाचे कौतुक केले. पठाणला पाहून थिएटरमधून बाहेर पडलेल्या अनुराग कश्यपला पापाराझींनी पठाणबद्दल विचारले तेव्हा अनुराग हसला आणि म्हणाला, यार देखो शाहरुख इतना हसीन और सुंदर नहीं लगा.. हम को उसे देखने आए थे दिल खुश हो गया और खतरनाक अ‍ॅक्शन है. शाहरुखने अशी भूमिका पहिल्यांदाच साकारली आहे... मला वाटत नाही की त्याने अशी कृती कधी केली असेल, जॉन आणि शाहरुखमध्ये दमदार अ‍ॅक्शन आहे.
हेही वाचा :बिग बॉस 16 फेम अब्दू रोजिक आता बिग ब्रदर यूकेमध्ये दिसणार!
