मुंबई- ग्लोबल स्टार प्रियांका चोप्रा आज आपला ४१ वा वाढदिवस साजरा करत आहे. तिच्यावर जगभरातून विविध स्तरावरुन शुभेच्छा पाठवल्या जात आहेत. यात एक खास शुभेच्छा संदेश तिला तिची चुलत बहिण परिणीती चोप्राकडून मिळाला आहे.
परिणीतीने इन्स्टाग्राम स्टोरीवर प्रियांकासोबतचा फोटो शेअर करत लिहिलंय, हॅप्पीयस्ट बर्थ डे मिमि दीदी. तू जे काही केले आहेस, त्याबद्दल धन्यवाद.' तिने ही पोस्ट प्रियांकाच्या इन्स्टाग्राम स्टेरीवरही टॅग केली आहे. तिने शेअर केलेला फोटो परिणीतीच्या आम आदमी पक्षाचे नेते राघव चड्ढासोबतच्या साखरपुड्यातील आहे. यात प्रियांका निऑन कलरच्या ड्रेसमध्ये दिसत असून परिणीती आयव्हरी ड्रेसमध्ये दिसत आहे.
प्रियांका चोप्राने गेल्या काही वर्षात अनेक भूमिका साकारत ग्लोबल स्टार बनण्यापर्यंतचा प्रवास केला आहे. तिच्या वाढदिवसानिमित्य चाहत्यांनी सोशल मीडियावर प्रेम संदेशांचा वर्षाव केला आहे. तिचे फोटो शेअर करत त्यांनी देसी गर्लसाठी शुभेच्छा दिल्या आहेत. 'प्रियांका चोप्रा तुला वाढदिवसाच्या सदिच्छा. तू आम्हाला अशीच प्रेरणा देत राहा आणि तुझ्या आरोग्यासाठी खूप शुभेच्छा', अशा आशयाचे भरपूर शुभेच्चा मेसेजेस तिला पाठवण्यात आले आहेत.
प्रियांका चोप्रा आणि परिणीती यांच्यातील नाते अतिशय घट्ट आहे. प्रियांकाच्या पावलावर पाऊल टाकत परिणीतीने बॉलिवूडमध्ये पदार्पण केले होते. खूप कमी काळात आपल्या अभिनय सामर्थ्याची चुणूक तिने दाखवली आणि बॉलिवूडमध्ये स्वतःचे स्थान निर्माण केले. परिणीतीच्या साखरपुड्यासाठी प्रियांका खास अमेरिकेहून दिल्लीत दाखल झाली होती.