मुंबई - ऑस्कर पुरस्कार 2023 च्या अंदाज यादीमध्ये अभिनेता रामचरण आणि ज्यूनियर एनटीआरचे नाव असल्याचे समजताच दोघाही स्टार्सच्या चाहत्यांमध्ये उत्साहाचे वारे संचारले आहे. व्हेरायटी या लोकप्रिय आंतरराष्ट्रीय मासिकाने भाकीत केले आहे की एसएस राजामौली यांच्या RRR ला 2023 अकादमी पुरस्कारांमध्ये सर्वोत्कृष्ट आंतरराष्ट्रीय फिचर, सर्वोत्कृष्ट मूळ गाणे (दोस्ती) आणि सर्वोत्कृष्ट अभिनेता या तीन श्रेणींमध्ये नामांकन मिळू शकते. राम चरणचा आरआरआर सह कलाकार ज्युनियर एनटीआरचा देखील ऑस्करच्या अंदाज यादीत उल्लेख आहे. अकादमीची अंतिम नामांकन यादी अद्याप जाहीर झालेली नाही.
ही यादी बाहेर पडल्यानंतर लगेचच, राम चरणच्या चाहत्यांनी ट्विटरवर ‘राम चरण फॉर ऑस्कर’ हा हॅशटॅग ट्रेंड करून त्यांच्या लाडक्या स्टारची नवी ओळख साजरी करण्यास सुरुवात केली. एका चाहत्याने लिहिले: “ऑस्करच्या रँकिंगच्या अंदाजांमध्ये सूचीबद्ध होणारा पहिला भारतीय अभिनेता. लोकांची मागणी, भारतीय सिनेमाचा अभिमान #रामचरण ऑस्कर #RamCharanForOscars #RRRMovie."