चंदीगड : पंजाबी गायका सिध्दू मुसेवाला यांची पाठलाग करीत गोळ्या झाडून क्रूर हत्या करण्यात आली. पंजाबमध्ये आणखीही असे काही कलाकार व गायक आहेत ज्यांची दिवसा ढवळ्या हत्या करण्यात आली होती. असा सेलेब्रिटींबद्दल आज आपण जाणून घेणार आहोत.
सिद्धू मुसेवाला : पंजाबला देश-विदेशात प्रसिद्धी मिळवून देणारा पंजाबी गायक सिद्धू मुसेवाला आता या जगात नाही. सिद्धू मुसेवाला यांच्या निधनाने देशातीलच नाही तर परदेशातील त्याचे चाहते दु:खी झाले आहेत. सिद्धू मुसेवाला यांचे केवळ जन्मगावीच किंवा देशातच नाही तर परदेशातही त्यांच्या निधनावर शोक व्यक्त होत आहे. सिद्धू मुसेवाला यांनी वयाच्या अवघ्या 28 व्या वर्षी देश-विदेशात स्वत:चे असे नाव कमावले होते की, प्रत्येकजण त्यांचा चाहता बनला आहे.
संगीत उद्योगात सिद्धू मुसेवाला या नावाने ओळखले जाणारे सिद्धू मुसेवाला यांचे खरे नाव शुभदीप सिंग सिद्धू होते. सिद्धूचा जन्म 11 जून 1993 रोजी पंजाबमधील मानसा जिल्ह्यातील मुसा गावात झाला. त्यावेळी सिद्धू मुसेवाला 185 सेमी उंच आणि वजन 85 किलो होते. प्रसिद्ध असूनही, सिद्धू मुसेवाला हे गावाशी जास्त जोडलेले होते आणि त्यांनी गावातच राहणे पसंत केले. दिवसाढवळ्या गायकाची गोळ्या झाडून हत्या करण्यात आली. जे पंजाबसाठी अत्यंत दुर्दैवी कृत्य आहे.
अमरसिंह चमकीला: अमरसिंह चमकीला यांचा जन्म 21 जुलै 1961 रोजी लुधियानाजवळील दुगरी गावात दुनी राम म्हणून झाला. अमर सिंह चमकीला हे प्रसिद्ध पंजाबी गायक, गीतकार आणि संगीतकार होते. त्यांना ‘पंजाबचे एल्विस’ म्हणूनही ओळखले जाते. गायकाची वयाच्या 27 व्या वर्षी हत्या झाली. त्याला पंजाबी लोक जगतातील महान कलाकारांपैकी एक मानले जाते. आजही पंजाबी लोकांना चमकीलाची गाणी खूप आवडतात.
इलेक्ट्रिशियन बनण्याचे त्यांचे स्वप्न पूर्ण झाले नाही आणि त्यांना लुधियाना येथील कापड मिलमध्ये नोकरी मिळाली. आपल्या नैसर्गिक संगीत क्षमतेने तो हार्मोनियम आणि ड्रम वाजवायला शिकला. पंजाबी लोक संगीतकार सुरिंदर शिंदा सांगतात की, चमकीला पहिल्यांदा त्यांच्याकडे 1978 मध्ये सायकलवरून आला होता.
पंजाबमधील महिसमपूर या प्रसिद्ध गावात परफॉर्म करण्यासाठी आले असताना, 8 मार्च 1988 रोजी दुपारी 2 वाजता त्यांच्या वाहनातून बाहेर पडताना, चमकीला आणि अमरजोत आणि गिल आणि इतर सदस्यांना AK47 ने गोळ्या घालून ठार केले गेले.
वीरेंद्र: पंजाबी फिल्म इंडस्ट्रीमध्ये वीरेंद्र हे नाव घराघरात पोहोचले होते. 80 च्या दशकातील पंजाबी चित्रपटांमधील सर्वात प्रसिद्ध अभिनेत्यांपैकी ते एक बनला होता. त्याने आपल्या करिअरमध्ये 25 चित्रपट केले. हे सर्व चित्रपट सुपरहिट ठरले. अभिनेता असण्यासोबतच वीरेंद्र एक यशस्वी दिग्दर्शक आणि निर्माता देखील होता. हिंदी चित्रपटांमध्ये त्यांनी 'खेल मुकद्दर का' आणि 'दो चेहरे' केले. हे दोन्ही चित्रपट हिट ठरले. सिद्धूचा खून धर्मेंद्रचा चुलत भाऊ वीरेंद्रच्या हत्येची आठवण करून देणारा आहे.
धर्मेंद्र यांचा चुलत भाऊ वीरेंद्र हे पंजाबी चित्रपटसृष्टीतील एक प्रसिद्ध नाव होते. तथापि, जसजसा तो अधिक यशस्वी झाला, तसतसे त्याच्या शत्रूंची यादी वाढत गेली. 'जट अते जमीन' या चित्रपटाचे शूटिंग सुरू होते. 6 डिसेंबर 1988 रोजी चित्रपटाच्या सेटवर वीरेंद्रची गोळ्या झाडून हत्या करण्यात आली होती. मृत्यूसमयी दिवंगत अभिनेता अवघ्या ४० वर्षांचे होते. त्यांची हत्या का झाली हे मात्र कळू शकले नाही.
दिलशाद अख्तर: दिलशाद अख्तर हा पंजाबमधील कोटकपुरा येथील एका छोट्या गावात राहणारा होता. दुःखाची गोष्ट म्हणजे, 1995 मध्ये एका कार्यक्रमादरम्यान एका मद्यधुंद डीएसपीने त्याला हंसराज हंसचे 'नची जो सादे नाल' हे गाणे गाण्यास भाग पाडले पण ते गाणे दुसऱ्या गायकाचे असल्याने दिलशादने त्याला नकार दिला. नकार दिल्याने डीएसपी रागावला, ज्याने अंगरक्षकाकडून बंदूक हिसकावून घेतली आणि त्याच्यावर गोळी झाडली, त्यात दिलशाद जागीच ठार झाला.
दिवंगत गायिका मनप्रीत अख्तर त्यांची बहीण होती. आपल्या भावाच्या पावलावर पाऊल ठेवत तिनेही इंडस्ट्रीत आपले नाव कमावले. 'कनवन वी सुन कनवन', 'मन विचार आयें', 'कानू अथारू बहोंदी' हे तिचे काही हिट चित्रपट आहेत.
हेही वाचा -सिद्धू मुसेवालाला अखेरचा निरोप, सिध्दूच्या दमदार स्वॅगचे फोटो
