मुंबई : ग्लोबल स्टार प्रियांका चोप्रा आणि निक जोनास हे जोडपे कायमच चर्चेत असते. आता पुन्हा एकदा प्रियांका आणि निक चर्चेत आले आहेत. प्रियांका आपला ४१ वा वाढदिवस साजरा करण्यासाठी काही दिवसापूर्वी पती निक आणि मुलगी मालतीसोबत एका खास ठिकाणी गेली होती. प्रियांकाचे पोस्ट केलेले फोटो जुलै महिन्यातील आहेत. जुलै महिना प्रियांका आणि तिच्या छोट्या कुटुंबासाठी खूप सुंदर होता. जुलैमध्ये पती निक जोनास आणि मुलगी मालतीसोबत प्रियांकाने खूप एन्जॉय केला. आता त्यांचे जुलै महिन्यातील फोटो निकने इंस्टाग्रामवर शेअर केले आहेत. या फोटोमध्ये प्रियांका आणि निकमधील प्रेम आणि आपल्या लेकीबद्दल वाटणारा जिव्हाळा इथे स्पष्ट दिसून येत आहे. इंस्टाग्रामवर शेअर केलेल्या फोटोमध्ये निकने हार्ट इमोजीसह ' जुलै हा एक चित्रपट होता, असे त्याने सांगितले आहे.
प्रियांका चोप्रा निकच्या मांडीवर बसलेली दिसली : निक जोनासने शेअर केल्या फोटोमध्ये पहिल्या फोटोत, प्रियांका चोप्रा पती निकच्या मांडीवर बसलेली दिसत आहे आणि दुसऱ्या फोटोत, निकची मुलगी मालतीसोबत जहाजात दिसत आहे. तिसर्‍या फोटोत सूर्याचे दृश्य आहे, चौथ्या फोटोत निक दिसत आहे आणि पाचव्या फोटोत संपूर्ण कुटुंब समुद्रकिनाऱ्यावर आनंद लुटताना दिसत आहे. दरम्यान नंतरच्या फोटोमध्ये निक हा प्रियांका चोप्रासोबत सूट-बूटमध्ये दिसत आहे. या फोटोमध्ये प्रियांकाने हिरव्या आणि काळ्या रंगाच्या कॉन्ट्रास्ट फ्लोरल ड्रेस परिधान केला आहे. निकच्या या फोटोवर १६ लाखांहून अधिक लाईक्स आले आहेत. या छोट्याशा सुंदर कुटुंबावर चाहते खूप प्रेमाचा वर्षाव करत आहेत.