मुंबई - Nick and Priyanka : प्रियांका चोप्रा आणि निक जोनास हे नेहमीच चर्चेत असतात. त्यांच्या दोघामधील केमिस्ट्री ही खूप जबदरस्त आहे, त्यामुळं अनेकजण त्यांचे कौतुक करताना सोशल मीडियावर दिसतात. प्रियांका अनेकदा आपल्या पतीसह मुलीचे फोटो सोशल मीडियावर शेअर करत असते. दरम्यान सध्या सोशल मीडियावर 'सो ब्युटीफुल, सो एलिगंट, जस्ट लुकिंग लाइक अ व्वा'चा ट्रेंड सुरू आहे. अनेक बॉलिवूड सेलिब्रिटी हा ट्रेंड फॉलो करत आहे. अलीकडेच 'देसी गर्ल' प्रियांका चोप्राचा पती निक जोनासनं एक फोटो शेअर करून तिच्यावर प्रेमाचा वर्षाव केला. निकनं शेअर केलेल्या फोटोमध्ये प्रियांकानं हिरव्या रंगाची साडी परिधान केली आहे, ज्यामध्ये ती खूपच सुंदर दिसत आहे.
निक जोनासनं शेअर केला फोटो : प्रियांकानं मुंबईतील स्टार-स्टडेड इव्हेंटसाठी हिरवी साडी घातली. निक जोनासनं तिच्या लूकचे कौतुक केले आहेत. सोशल मीडियाचा व्हायरल व्हिडिओचा ट्रेंडला फॉलो करत असताना निक जोनासनं प्रियांकासाठी लिहिलं, 'सो ब्युटीफुल, सो एलिगंट, जस्ट लुकिंग लाइक अ व्वा'. सध्या निक हा भावांसोबत टूरवर आहे. अलीकडेच दीपिका पदुकोण देखील या ट्रेंडमध्ये फॉलो केला होता. तिनं एक व्हिडिओ तयार केला होता. दरम्यान, काल मलायका अरोरानेही बॉयफ्रेंड अर्जुन कपूरवर कौतुकाचा वर्षाव केला आणि व्हायरल ट्रेंड फॉलो केला.