मुंबई - Nayanthara and vignesh shivan : साऊथची अभिनेत्री नयनतारा ही सध्या 'जवान' चित्रपटामुळे चर्चेत आहे. नयनताराने 'जवान' चित्रपटातून बॉलिवूड आणि हिंदी चित्रपटसृष्टीत पदार्पण केले. 'जवान' चित्रपटासाठी नयनतारा ही खूप उत्सुक आहे. या चित्रपटासाठीने तिने इन्स्टाग्रामवरही पदार्पण केले. 31 ऑगस्ट रोजी 'जवान'चा ट्रेलर रिलीज होण्याच्या काही वेळापूर्वी तिने इन्स्टाग्राम अकाउंट ओपन केले होते. 24 तासांत नयनताराला इन्स्टाग्रामवर 1 मिलियन पेक्षा जास्त चाहत्यांनी फॉलो केले होते. त्यानंतर नयनताराचे या प्लॅटफॉर्मवर 2.6 मिलियन फॉलोअर्स झाले आहेत. दरम्यान आता 4 सप्टेंबर रोजी नयनताराने काही तासांपूर्वी तिच्या इन्स्टास्ट्रीमवर यू असे लिहिले होते. यावर तिच्या पतीकडून एक संदेश आला आहे.
नयनतारा आणि विघ्नेशचा मेसेज बॉक्स :पत्नी नयनताराच्या पोस्टवर एक वैयक्तिक संदेश पाठवून, विग्नेश विचारतो की, हे तू आणि मी आहेस का? ,यावर नयनताराने मुलीच्या इमोजीसह कपाळावर हात ठेवत म्हणते, हो तू आहेस. नयनतारा आणि विग्नेश शिवन यांचा विवाह ८ जून २०२२ रोजी झाला होता. या लग्नाला शाहरुख खान, रंजीकांत आणि जवान चित्रपटाची संपूर्ण टीम पोहोचली होती. नयनताराला आता दोन जुळी मुले झाली आहेत. नयनताराने तिच्या पहिल्या इन्स्टा पोस्टमध्ये तिच्या जुळ्या मुलांसोबतचा एक गोंडस व्हिडिओ शेअर केला होता. हा व्हिडिओ चाहत्यांनी खूप लाईक केला आहे.
'जवान'बद्ल उत्सुकता :गेल्या महिनाभरापासून 'जवान' चित्रपटाबद्दल चाहत्यांमध्ये उत्सुकता लागली आहे. 'जवान' चित्रपटाचे ट्रेलर यूट्यूबवर रिलीज होताच 30 मिनिटांतच या ट्रेलरला 2 मिलियन लोकांनी लाईक केले. रेड चिलीज एंटरटेनमेंटद्वारे या चित्रपटाची निर्मिती करणयात आली आहे. 'जवान' चित्रपटाचे निर्माते गौरी खान आणि गौरव वर्मा आहेत. या चित्रपटात नयनतारा आणि शाहरुख व्यतिरिक्त विजय सेतुपती, सुनील ग्रोव्हर, संजय दत्त, सान्या मल्होत्रा, योगी बाबू, रिद्धी डोगरा हे कलाकार दिसणार आहेत. हा चित्रपट जगभरातील चित्रपटगृहांमध्ये 7 सप्टेंबरला हिंदी, तमिळ आणि तेलगू भाषांमध्ये प्रदर्शित होणार आहे.