मुंबई - व्हॅलेंटाईन डेचा बहर अद्यापही संपलेला नाही. आपल्या प्रिय व्यक्तीसोबत हा प्रेमाचा दिवस साजरा केल्यानंतर त्याच धुंदीत सेलेब्रिटी अजूनही वावरत आहेत. अनेक सेलिब्रिटी त्यांच्या व्हॅलेंटाईन डे सेलिब्रेशनची झलक शेअर करत आहेत. प्रियांका चोप्राची निक जोनाससोबतची लव्ह केमेस्ट्री व्हॅलेंटाईनच्या निमित्ताने पुन्हा एकदा जगासमोर आली आहे.
प्रियंका आणि निक यांना निकयंका या टोपण नावाने ओळखले जाते. त्यांनी आपल्या सोशल मीडियावरील चाहत्यांसाठी भरपूर शिदोरी इनस्टाग्रामवर पुरवली आहे आणि एकमेकांसाठी प्रेमाने भरलेले संदेश शेअर केले. त्यांच्या व्हॅलेंटाईन डे सेलिब्रेशन पाहता असे दिसते की या जोडप्याने एकत्र चांगला वेळ घालवला आहे. प्रियंकाने सांगितले की प्रत्येक दिवस निकसोबत व्हॅलेंटाईन डे आहे, तर अमेरिकन गायक निकनेने देसी गर्लला आपेल हृदय असल्याचे म्हटले आहे. दोघांचीही प्रेमकहाणी परीकथांमध्‍ये शोभणारी अशीच आहे. व्हॅलेंटाईन डेच्या निमित्ताने या प्रमी युगुलाने आपल्यातील प्र्माचे नाते घट्ट केले आणि आजवर जगलेल्या आयुष्याच्या आठवणी पुन्हा जागवल्या. सोशल मीडियावर प्रियंका आणि निक जोनासने त्यांच्या व्हॅलेंटाईन डे सेलिब्रेशनचे काही सुंदर फोटो आणि व्हिडिओ पोस्ट केले आहेत.
प्रियांकाने इंस्टाग्रामवर व्हॅलेंटाईन डेच्या दोन फोटोंचा सेट शेअर केला. पहिल्या फोटोत प्रियांका आणि निक एकत्र दिसत आहेत, तर दुसर्‍या इमेजमध्ये कॅलिफोर्नियातील पिंटो लेकजवळ तिची मुलगी मालती मेरीसोबत प्रियंका बदकांना खायला घालत आहेत. तिने इंस्टाग्राम स्टोरीजवर स्वतःचा अंथरुणावरचा व्हिडिओ शेअर केला आणि लिहिले की प्रत्येक दिवस तिच्या आणि निकसाठी व्हॅलेंटाईन डे आहे.