Chhatrapati Tararani : मोगल मर्दिनी छत्रपती ताराराणी चित्रपटाच्या चित्रीकरणाला सुरुवात

मुघलांना सळो की पळो करून सोडणाऱ्या रणरागिणी, महाराष्ट्रातल्या इतिहासातील एक कर्तृत्ववान राजस्त्री असलेल्या ताराराणी यांच्या कार्याचा वेध घेणारा बहुचर्चित मोगल मर्दिनी छत्रपती ताराराणी ( Chhatrapati Tararani ) चित्रपटचे चित्रीकरण वेगात सुरु आहे. सोनाली कुलकर्णी, अजीत सिध्धये, यशवंत देशमुख, संजय कुलकर्णी आदी कलाकार या चित्रपटात प्रमुख भुमिकेत आहेत.

मुंबई:औरंगजेब सारख्या स्वराज्यावर टपून बसलेला बलाढ्य मोगल दिल्लीपती बादशहाला महाराष्ट्राच्या मातीत कायमचा झोपवणाऱ्या मोगलमर्दिनी छत्रपती ताराराणी चित्रपटाची सध्या चर्चा आहे. प्लैनेट मराठी आणि मंत्रा व्हीजन यांची निर्मिती असलेल्या या चित्रपटाचे दीग्दर्शन राहुल जाधव यांनी केले आहे. चित्रपटाची पटकथा आणि संवाद डाॅ.सुधीर निकम यांचे तर संगीत अवधुत गुप्ते यांचे आहे. या चित्रपटात सोनाली कुलकर्णी, अजीत सिध्धये, प्रा. यशवंत देशमुख, संजय कुलकर्णी, राजेंद्र सिसदकर आदी कलाकार प्रमुख भुमिकेत आहेत.

छत्रपती महाराणी ताराबाई भोसले या सरसेनापती हंबीरराव मोहिते यांची कन्या आणि छत्रपती राजाराम भोसले यांच्या पत्नी असणाऱ्या ताराबाई यांनी छत्रपती शिवाजी महाराज आणि छत्रपती संभाजी महाराज यांच्यामागे कणखरपणे स्वराज्याची धुरा सांभाळली. त्या एक उत्तम राजकारणी, व्यवस्थापिका तर होत्याच याव्यतिरिक्त एक आदर्श सून, पत्नी आणि माता अशा विविधांगी जबाबदाऱ्या त्यांनी लीलया पार पाडल्याचे पहायला मिळते. या रणरागिणीची शौर्यगाथा चित्रपटात मांडण्यात येत आहे.

हा चित्रपट जेष्ठ इतिहास संशोधक डॉ. जयसिंगराव पवार यांच्या मोगलमर्दीनी महाराणी ताराबाई या ग्रंथावर आधारीत आहे. मराठी साम्राज्याचा औरंगजेबाच्या मनात पुन्हा दबदबा निर्माण करणाऱ्या छत्रपती ताराराणींची व्यक्तिरेखा मराठीतील लोकप्रिय अभिनेत्री सोनाली कुलकर्णी साकारत आहे. या चित्रपटातून छत्रपती ताराराणींची शौर्यगाथा आता सातासमुद्रापार पोहोचणार आहे. हा चित्रपट मराठी आणि इंग्रजी भाषेत चित्रित होणारा असून हा जगातील पहिला मराठी हॉलिवूड चित्रपट असल्याचे सांगण्यात येत आहे.

सोनाली कुलकर्णी यांच्या सोबतच अजीत सिध्धये, प्रा. यशवंत देशमुख, संजय कुलकर्णी, राजेंद्र सिसदकर आदी कलाकार प्रमुख भुमिकेत आहेत. प्रा. यशवंच देशमुखही या चित्रपटात मोेठ्या भुमिकेत पहायला मिळत आहेत. गाजराची पुंगी या द्विपात्री नाट्य प्रयोगाने त्यांचे नाव सर्वदुर पोचलेले आहे. 60 च्या वर नाटके काही सिनेमे आणि मालीकात त्यांनी काम केलेले आहे. अनेक वर्षानंतर त्यांचे या चित्रपटाच्या माध्यमातुन पुनरागमन होत आहे.