मुंबई Mission Raniganj Trailer : अक्षय कुमार स्टारर 'मिशन रानीगंज - द ग्रेट भारत रेस्क्यू'चा ट्रेलर अखेर प्रदर्शित झाला आहे. या चित्रपटाचा ट्रेलर हा खूप जबरदस्त आहे. 'मिशन रानीगंज'मध्ये अक्षय कुमार हा जसवंत सिंग गिलची भूमिका साकारत आहे. चित्रपटाच्या ट्रेलरमध्ये जसवंत सिंग यांनी खाणीत काम-करत अडकलेल्या लोकांचे प्राण कसे वाचवले हे दाखवण्यात आले आहे. या चित्रपटाचा टीझर प्रदर्शित झाल्यापासूनच चाहते ट्रेलरची वाट आतुरतेने पाहात होते. ट्रेलरमधील काही दृश्यं हादरवून टाकणारी आहेत. 'मिशन राणीगंज' हा चित्रपट सत्य घटनेवर आधारित आहे.
'मिशन रानीगंज' ट्रेलर रिलीज : 'मिशन रानीगंज - द ग्रेट भारत रेस्क्यू' हा चित्रपट चित्रपटगृहांमध्ये 6 ऑक्टोबर रोजी प्रदर्शित होणार आहे. तसंच चित्रपटाचा ट्रेलर सरदार जसवंत सिंग गिल यांच्या शौर्याला समर्पित आहे. 34 वर्षांपूर्वी नोव्हेंबर 1989 मध्ये पश्चिम बंगालमधील राणीगंज येथील कोळसा खाणीत एक मोठी दुर्घटना घडली होती, ज्यामुळं संपूर्ण देश हादरला होता. हा आतापर्यंतचा सर्वात धोकादायक कोळसा खाण अपघात होता. या अपघातात अमृतसरचे अभियंता जसवंत सिंग गिल यांनी 65 लोकांना मृत्यूपासून वाचवले होते. 'मिशन रानीगंज - द ग्रेट भारत रेस्क्यू' हा चित्रपट या अपघाताची कहाणी मांडणार आहे.