वाराणसी :भोजपुरी अभिनेत्री आकांक्षा दुबेने रविवारी वाराणसीच्या सारनाथ येथील हॉटेलमध्ये आत्महत्या केली. या आत्महत्येमागे नेमके काय कारण आहे, आकांक्षाने हे का केले याचा तपास पोलीस करत आहेत. शेवटी काय प्रॉब्लेम होता? तो कोणाशी शेअर केला नाही? आकांक्षा दुबेचा एक इंस्टाग्राम व्हिडिओ समोर आला आहे. आकांक्षाने ज्या कपड्यांमध्ये आत्महत्या केली आहे हे कपडे आत्महत्येच्या काही काळापूर्वीचा असल्याचे सांगण्यात येत आहे. या व्हिडिओमध्ये आकांक्षा दुबेही याच कपड्यांमध्ये दिसत आहे. इंस्टाग्रामवर लाईव्ह झाल्यानंतर आकांक्षाने आत्महत्या केल्याचे समजते. सध्या आकांक्षा या व्हिडीओमध्ये काहीही बोलत नसून ती खूपच अस्वस्थ दिसत आहे. त्यामुळे तिचे चाहते तिला काय झाले असे विचारत आहेत.
आकांक्षा दुबेने मृत्यूपूर्वी केले होते इन्स्टाग्राम लाइव्ह मृतदेह बेडवर बसलेल्या अवस्थेत आढळला : आकांक्षा दुबेचा मृतदेह वाराणसीच्या हॉटेलच्या खोलीत सापडला होता. यानंतर पोलिसांना आकांक्षाच्या आत्महत्येचा अंदाज आहे, मात्र या सगळ्यामध्ये काही प्रश्न निर्माण होणार आहेत. पहिली गोष्ट म्हणजे आकांक्षा दुबेने ज्या पद्धतीने आत्महत्या केली आहे ते फारच धक्कादायक आहे. आकांक्षाचा मृतदेह बेडवर बसलेल्या अवस्थेत आढळून आलाय तिच्या गळ्यात फास आवळलेला होता. म्हणजेच बसलेल्या अवस्थेत गळा दाबल्याने आकांक्षाचा जीव गेला आहे.
आकांक्षा रात्री दीडच्या सुमारास हॉटेलमध्ये परतली :याशिवाय रात्री उशिरापर्यंत बर्थडे पार्टीला हजेरी लावल्यानंतर आकांक्षा रात्री दीडच्या सुमारास हॉटेलमध्ये परतली होती, असेही तपासात समोर आले आहे. हॉटेल मॅनेजरने चौकशीदरम्यान पोलिसांना सांगितले की, 1:30 वाजता एक मुलगा त्यांना सोडण्यासाठी आला होता आणि तो मुलगा त्यांच्यासोबत थेट त्यांच्या रूममध्ये गेला होता आणि जवळपास 17 मिनिटे आकांक्षासोबत रूममध्ये होता. 17 मिनिटांनी तो खोलीतून बाहेर पडला आणि परत गेला. यानंतर प्रश्न उपस्थित होत आहे की तो मुलगा कोण होता, जो आकांक्षासोबत रात्री उशिरा तिला सोडण्यासाठी आला होता.
शेवटचा व्हिडिओ पोस्ट केला : सध्या पोलिसांनी हॉटेलमधील सीसीटीव्ही कॅमेरे तसेच आजूबाजूच्या परिसरात लावण्यात आलेल्या कॅमेऱ्यांचे फुटेज स्कॅन करण्यास सुरुवात केली आहे. आकांक्षा दुबे रात्री उशिरापर्यंत पार्टीमध्ये व्यस्त होती आणि तिथून परतल्यानंतर किंवा आधी तिने सोशल मीडियावर एक शेवटचा व्हिडिओ देखील पोस्ट केला आहे. इंस्टाग्रामवर लाइव्ह करत असताना, ती तोंडावर हात ठेवून रडताना दिसत आहे आणि खूप निराश दिसत आहे. तिच्या डोळ्यात आलेले अश्रू तिच्या मनातल्या कुठल्यातरी दु:खाची किंवा संकटाची कहाणी सांगत आहेत.
संपूर्ण प्रकरणाचा तपास सुरू : 2 मिनिटे 25 सेकंदांपेक्षा जास्त कालावधीचा हा लाइव्ह व्हिडिओही अनेकांनी त्यांच्या ट्विटर हँडलवर शेअर केला आहे. त्यांचीही पोलिस चौकशी करत आहेत. त्याचवेळी आकांक्षाची हेअरस्टाइलिस्ट रेखा सांगते की, काल रात्री आकांक्षा दुबेशी तिचे बोलणे झाले, ती इतकी छान होती की ती नेहमी विचारायची. दीदी, जेवलीस की नाही? ती सर्व स्टाफची पूर्ण काळजी घेत असे. काल तिला भेटल्यानंतर, आज सकाळी जेव्हा ती तिचा फोन उचलत नव्हती, तेव्हा चित्रपटातील कलाकारांशी संबंधित लोकांनी रेखाला फोन केला आणि तिला आकांक्षाच्या खोलीत जाण्यास सांगितले. रविवारी सकाळी ती आकांक्षाच्या खोलीचा दरवाजा ठोठावत राहिली, मात्र दार उघडले नाही. यानंतर रेखाने हॉटेल स्टाफसह तिच्या चित्रपटातील कलाकारांना माहिती दिली. दुसऱ्या चावीने दरवाजा उघडल्यानंतर एक भयानक सत्य समोर आले, ज्याने सर्वांनाच हादरवून सोडले. सध्या या संपूर्ण प्रकरणाचा तपास सुरू असल्याचे पोलीस सांगत असून आकांक्षाचे नातेवाईकही वाराणसीला पोहोचले आहेत.
काही प्रश्न निर्माण होणे स्वाभाविक आहे :1. अखेर रात्री उशिरा आकांक्षाला हॉटेलमध्ये सोडण्यासाठी कोण आले? 17 मिनिटे हॉटेलमध्ये आकांक्षासोबत कोण होते? 2. आकांक्षाने आत्महत्या केली तर तिचा एक पाय जमिनीवर आणि एक बेडवर कसा? साधारणपणे फाशीच्या बाबतीत, खाली बसलेले असतानाही दोन्ही गुडघे वाकलेले असतात, परंतु येथे एक पाय खाली आणि एक पाय बेडवर आहे. 4. आकांक्षा इतकी अस्वस्थ आणि दुःखी का होती, तिने तिच्या मृत्यूपूर्वी लाईव्ह येऊन तिचे दुःख का व्यक्त केले?
हेही वाचा :Malayalam Actor Innocent : प्रसिद्ध मल्याळम अभिनेते आणि माजी लोकसभा खासदार इनोसंट यांचे निधन
