मुंबई : मल्याळम अभिनेता पृथ्वीराज सुकुमारन यांचा आगामी चित्रपट 'विलायथ बुद्धा'च्या शूटिंगदरम्यान कार अपघातात जखमी झाला. मिळालेल्या माहितीनुसार पृथ्वीराजला पायाला दुखापत झाली आहे. पृथ्वीराजवर २६ जून रोजी कोचीच्या रुग्णालयात पायावर की-होल शस्त्रक्रिया करणार आहे. अपघातानंतर, डॉक्टरांनी त्याला पूर्णपणे बरे होण्यासाठी कामातून काही आठवडे सुट्टी घेण्याचा सल्ला दिला आहे. या चित्रपटात पृथ्वीराज व्यतिरिक्त अनु मोहन आणि प्रियमवदा कृष्णन यांच्याही महत्त्वाच्या भूमिका आहेत. अपघाताचे तपशील अद्याप जाहीर झालेले नाहीत. याआधी, तमिळ अभिनेते विशाल आणि विजय अँटोनी हे कलाकर देखील जखमी झाले होते, मात्र आता दोघेही बरे झाले आहे. चित्रपटाच्या सेटवरील असंख्य दुर्घटनांमुळे उत्पादन कंपन्यांनी लागू केलेल्या सुरक्षा प्रक्रियेबद्दल चिंता निर्माण केली आहे. तसेच हा चित्रपट लवकरच रुपेरी पडद्यावर प्रेक्षकांच्या भेटीला येणार आहे.
पृथ्वीराज सुकुमारन अ‍ॅक्शन सीन दरम्यान जखमी झाला :इडुक्कीमधील मरूर येथे चित्रपटाच्या सेटवर अ‍ॅक्शन सीनचे शूटिंग करत असताना पृथ्वीराज जखमी झाला होता. मीडिया रिपोर्टनुसार, हा अपघात सकाळी१०.३० वाजता झाला. तेव्हा पृथ्वीराज हा केएसआरटीसी (KSRTC) बसमध्ये शूटिंग करत होता. अपघातानंतर, त्याला प्रथम जवळच्या रुग्णालयात नेण्यात आले, त्यानंतर तेथून पृथ्वीराज उपचारासाठी कोची येथे नेण्यात आले.