मुंबई- अभिनेता वरुण धवनची चित्रपटसृष्टीतील 10 वर्षे पूर्ण झाल्यानिमित्त बुधवारी निर्मात्यांनी भेडिया चित्रपटाचा ट्रेलर रिलीज केला. 2012 मध्ये करण जोहरच्या स्टुडंट ऑफ द इयरमधून पदार्पण करणाऱ्या वरुणने आज या क्षेत्रात एक दशक पूर्ण केले आहे.
वरुण धवन आणि क्रिती सेनॉन स्टारर भेडिया 25 नोव्हेंबर रोजी पडद्यावर झळकण्यासाठी सज्ज आहे. चित्रपटाच्या रिलीजपूर्वी, निर्मात्यांनी 19 ऑक्टोबर रोजी भेडियाचा ट्रेलर रिलीज करत वरुण धवनचा इंडस्ट्रीतील 10 वर्षांचा प्रवास साजरा केला.
हॉरर-कॉमेडीचे दिग्दर्शन अमर कौशिक यांनी केले आहे आणि निरेन भट्ट यांनी लिहिले आहे, जो दीर्घकाळ चालणारा टीव्ही शो तारक मेहता का उल्टा चष्मा लिहिण्यासाठी प्रसिद्ध आहे. स्त्री आणि रुही नंतर निर्माता दिनेश विजानच्या हॉरर-कॉमेडी युनिव्हर्समधला भेडिया हा तिसरा चित्रपट आहे. 2015 च्या रोम-कॉम दिलवाले मध्ये स्क्रीन स्पेस शेअर केल्यानंतर वरुण धवन आणि क्रिती सेनॉन यांचा भेडिया हा दुसरा एकत्रित चित्रपट आहे.