मुंबई - Mahesh Babu With Family Vacation: प्रत्येकजण नवीन वर्षाचे स्वागत करण्यासाठी आता सज्ज आहे. 2023 वर्ष जवळपास संपलं आहे. अनेकजण नवीन वर्ष साजरे करण्यासाठी कुटुंब आणि मित्रांसह सुट्टीवर जाताना दिसत आहेत. दरम्यान साऊथ अभिनेता महेश बाबू आणि त्याची पत्नी नम्रता शिरोडकर आपल्या मुलांसह हैदराबाद विमानतळावर स्पॉट झाले. नवीन वर्षाच्या सेलिब्रेशनसाठी महेश बाबू आणि नम्रता शिरोडकर मुलांसोबत दुबईला गेले असल्याचं समजत आहे. नम्रता शिरोडकर काही फोटो तिच्या इंन्स्टाग्राम स्टोरीजवर शेअर केली आहेत, ज्यात ती कुटुंबासोबत दिसत आहे.
महेश बाबू कुटुंबासह दुबईला रवाना : महेश बाबूचा एक व्हिडिओ सोशल मीडियावर व्हायरल होत आहे. या व्हिडिओमध्ये तो मुलगा गौतम आणि मुलगी सितारासोबत दिसत आहे. मिळालेल्या माहितीनुसार महेश बाबू दुबईत एका जाहिरातीवर काम करणार आहे. यासोबतच तो दुबईत आपल्या कुटुंबासोबत क्वा दुबईमध्ये न्यू ईयर सेलिब्रेट करणार आहे. व्हायरल झालेल्या व्हिडिओमध्ये महेश बाबू सिताराचा हात पकडून चालताना दिसत आहे, तर नम्रता ही गौतमसोबत बोलताना दिसत आहे. एयरपोर्ट वरील लूकमध्ये महेश बाबूनं निळ्या रंगाचा जीन्स आणि शर्ट परिधान केला आहे. यावर त्यानं एक टोपीसह सनग्लास घातला आहे. या लूकमध्ये तो खूप देखणा दिसत आहे.