Leo Box Office Collection Day 5: थलापथी विजयचा चित्रपट पाचव्या दिवशी 200 कोटींच्या क्लबमध्ये प्रवेश करण्याची शक्यता

Leo Box Office Collection Day 5: साऊथचा सुपरस्टार विजयच्या चित्रपटानं अवघ्या दोन दिवसांत 100 कोटींचा टप्पा पार केला होता, आता हा चित्रपट लवकरच 200 कोटींच्या क्लबमध्ये दाखल होणार आहे. रिलीजच्या पाचव्या दिवशी हा चित्रपट किती कमाई करेल, याबाबतचा अंदाज जाणून घ्या.

मुंबई - Leo Box Office Collection Day 5 : दाक्षिणात्य अभिनेता थलपती विजयचा चित्रपट 'लिओ' हा 19 ऑक्टोबर रोजी रुपेरी पडद्यावर प्रदर्शित झाला. विजयच्या चित्रपटाला प्रेक्षकांचे भरभरून प्रेम मिळत आहे. या चित्रपटानं साऊथमधील सर्वात मोठी ओपनिंग करून अनेक विक्रम मोडले आहेत. 'जवान'प्रमाणे 'लिओ'च्या कमाईतही प्रचंड वाढ होत आहे. थलपती विजयच्या 'लिओ' चित्रपटानं रिलीज होताच बॉक्स ऑफिसवर खळबळ उडवून दिली. या वर्षातील सर्वाधिक कमाई करणाऱ्या चित्रपटांच्या यादीत 'लिओ'चा समावेश झाला आहे. रविवारी चित्रपटाच्या कमाईत मोठी झेप घेतली आहे.

लिओ बॉक्स ऑफिस कलेक्शन : पहिल्या दिवशीच या चित्रपट रुपेरी पडद्यावर जादू करत 64.8 कोटीची कमाई केली. दुसऱ्या दिवशी या चित्रपटानं 35.25 कोटी, तिसऱ्या दिवशी 39.66 कोटी आणि चौथ्या दिवशी या चित्रपटानं 42.1 कोटीची कमाई केली आहे. यासह या चित्रपटाचे एकूण बॉक्स ऑफिस कलेक्शन 181.95 झालं आहे. हा चित्रपट आता रिलीजच्या पाचव्या दिवसात आहे. रिलीजच्या पाचव्या दिवशी हा चित्रपट 25 कोटीची कमाई करू शकतो. यासह या चित्रपटाचं एकूण बॉक्स ऑफिस कलेक्शन 206.95 होईल. हा चित्रपट अवघ्या पाच दिवसात 200 कोटीचा टप्पा ओलांडणार आहे. बॉक्स ऑफिसवर हा चित्रपट तूफान कमाई करत आहे.

लिओची बॉक्स ऑफिस कमाई

• एक दिवस 64.8 कोटी
• दोन दिवस 35.25 कोटी
• तीन दिवस 39.66 कोटी
• चार दिवस 40 कोटी
• पाचवा दिवस 25 कोटी कमाई होऊ शकते

एकूण 206.95 कोटी होईल

लिओची स्टारकास्ट :या चित्रपटाची रेकॉर्डब्रेक कलेक्शन सुरूच आहे. पहिल्या दिवशी चित्रपटाची कमाई 'गदर 2' पेक्षा जास्त होती. दिग्दर्शक लोकेश कनागराज दिग्दर्शित ‘लिओ’ चित्रपटामध्ये विजयचे जबरदस्त अ‍ॅक्शन सीन दाखविल्या गेले आहे. चाहते या चित्रपटाची वाट खूप आतुरतेने पाहत होते. लिओमध्ये विजय व्यतिरिक्त संजय दत्त आणि त्रिशा कृष्णन हे कलाकार प्रमुख भूमिकेत आहेत. संजय दत्तनं या चित्रपटामध्ये खलनायकाची भूमिका साकारली आहे.

हेही वाचा :