Lata Mangeshkar Song : लता मंगेशकर जयंती: नाइटिंगेल ऑफ इंडियाची आयकॉनिक गाणी

लता मंगेशकर यांच्या 93 व्या जयंतीनिमित्त, आम्ही त्यांच्या शानदार कारकिर्दीतील प्रतिष्ठित गाण्यांच्या लांबलचक यादीतील काही मोजक्या महान हिट गाण्यांचा आढावा घेत आहोत.

मुंबई- भारतीय संगीत विश्वातल्या स्वरसम्राज्ञी गानकोकीळा, भारतरत्न लता मंगेशकर यांचा आज जन्मदिन. आज त्यांची आठवण जपत आपण त्यांची 93 व्या जयंती जगभर साजरी केली जात आहे. लतादीदींनी हजाराहून अधिक हिंदी चित्रपटांमध्ये गाणी गायली आहेत. त्यांनी मुख्यत्वे हिंदी, मराठी आणि बंगालीमध्ये गाणी गायली आहेत. त्यांनी 36 पेक्षा अधिक भाषांमध्ये गाणी गायली आहेत. (Lata Mangeshkar Awards) हे एक संगीत क्षेत्रातील रेकॉर्ड आहे. भारतीय संगीत उद्योगातील त्यांच्या योगदानामुळे त्यांना नाइटिंगेल ऑफ इंडिया, क्वीन ऑफ मेलोडी आणि द व्हॉइस ऑफ इंडिया यासारख्या सन्माननीय पदव्या मिळाल्या. लता मंगेशकर यांच्या 93 व्या जयंतीनिमित्त, येथे काही भावपूर्ण प्रतिष्ठित गाणी आपण पाहणार आहोत.

* आये मेरे वतन के लोगो: लता मंगेशकर यांनी २६ जानेवारी १९६३ रोजी प्रजासत्ताक दिनाच्या कार्यक्रमात १९६२ मध्ये चीन-भारत युद्धात शहीद झालेल्या भारतीय सैनिकांच्या स्मरणार्थ कवी प्रदीप यांनी लिहिलेले ए मेरे वतन के लोगो हे देशभक्तीपर गीत सादर केले.

*होठों में ऐसी बात, ज्वेल थीफ (1967): ज्वेल थीफ (1967) हा विजय आनंद दिग्दर्शित एक स्पाय थ्रिलर चित्रपट आहे, ज्यामध्ये देव आनंद, वैजयंतीमाला आणि अशोक कुमार यांनी भूमिका केल्या होत्या. भूपिंदर सिंग आणि लता मंगेशकर यांचे चित्रपटात 'होठों में ऐसी बात' हे गाणे होते.

* आज फिर जीने की तमन्ना, गाईड (1965): गाईड चित्रपटाचे थीम सॉंग, आज फिर जीने की तमन्ना, शैलेंद्र यांनी लिहिलेले आणि एस.डी. बर्मन, लता मंगेशकर यांनी गायले आहे.

* पिया तोसे, गाईड 1965): याच चित्रपटातून, मंगेशकर यांनी 'पिया तोसे' देखील गायले आहे जे बॉलिवूडने तयार केलेल्या सर्वोत्कृष्ट रोमँटिक गाण्यांपैकी एक ठरले.

* जिया जले, दिल से (1998): लता मंगेशकर यांनी मणिरत्नम यांच्या 1998 च्या रोमँटिक थ्रिलर चित्रपट दिल से मधून 'जिया जले' सादर केले. या गाण्याला अफाट लोकप्रियता मिळाली.

* कोरा कागज था ये मन मेरा, आराधना (1969): सुपर हिट गाणे कोरा कागज था ये मन मेरा, राजेश खन्ना आणि शर्मिला टागोर यांच्या 1969 च्या आराधना चित्रपटातील रोमँटिक गाणे आहे, लता मंगेशकर आणि किशोर कुमार यांनी सुंदरपणे गायले होते.

* मेरा साया साथ होगा, मेरा साया: सुनील दत्त आणि साधना अभिनीत 1966 चा थ्रिलर चित्रपटातील 'मेरा साया साथ होगा' हे गाणे प्रचंड लोकप्रिय झाले. या गाण्यामुळे चित्रपट बॉक्स ऑफिसवर यशस्वी ठरला.

* हमको हमीसे चुरा, मोहब्बतें (2000): अमिताभ बच्चन आणि शाहरुख खान स्टारर मोहब्बतें या चित्रपटात मगेशकर यांच्या रोमँटिक गाण्यांपैकी एक गाणे होते.

* तुझे देखा तो ये जाना, दिलवाले दुल्हनिया ले जायेंगे (1995): DDLJ ने 2021 मध्ये 25 वर्षे साजरी केली आणि चित्रपटांचे संस्मरणीय शीर्षक गीत तुझे देखा तो ये जाना कुमार सानू आणि लता मंगेशकर यांनी गायले आहे.

* कभी खुशी कभी गम, कभी खुशी कभी गम (2001): कभी खुशी कभी गम चित्रपटाचे शीर्षक गीत लता मंगेशकर यांनी सादर केले होते. 2001 मध्ये रिलीज झालेल्या ब्लॉकबस्टर चित्रपटात अभिनेते अमिताभ बच्चन, जया बच्चन, हृतिक रोशन, शाहरुख खान, काजोल आणि करीना कपूर खान यांनी भूमिका केल्या होत्या.

हेही वाचा -Lata Mangeshkar Birth Anniversary लतादिदींच्या काही खास गाण्यांचे खास किस्से...