मुंबई - क्रिती सेनॉन साऊथचा सुपरस्टार प्रभाससोबत लग्न करणार असल्याच्या अफवांमुळे सोशल मीडियावर खळबळ उडाली आहे. अफवांमध्ये काही तथ्य असल्याचा अंदाज अनेकजण लावत असताना, क्रितीने या अफवा निराधार असल्याचे सांगून हवा साफ केली आहे.
मंगळवारी रात्री, क्रितीने तिच्या इंस्टाग्राम स्टोरीवर अफवा बाजूला सारून एक निवेदन जारी केले. तिने लिहिले, "हे ना प्यार आहे, ना PR. आमचा भेडिया एका रिअॅलिटी शोमध्ये जरा जास्तच वाईल्ड झाला. आणि त्यातली मजा काही अफवा पसरवणारी आहे. काही पोर्टल माझ्या लग्नाची तारीख जाहीर करण्यापूर्वी- मला तुमचा बुडबुडा फोडू दे. अफवा पूर्णपणे निराधार आहेत!"
क्रितीने केला प्रभाससोबत डेटिंगचा खुलासा 'झलक दिखला जा' या डान्स रिअॅलिटी शोमध्ये 'भेडिया' या चित्रपटाच्या प्रमोशनदरम्यान वरुण धवनने क्रितीच्या नात्याचे संकेत दिल्यानंतर या चर्चेला उधान आले होते. शोमधील एक व्हिडिओ ज्यामध्ये वरुण करण जोहरशी संवाद साधताना दिसत आहे, सोशल मीडियावर व्हायरल झाला आहे.
व्हिडिओमध्ये, जेव्हा करणने वरुणला यादीबद्दल विचारले आणि क्रितीचे नाव त्यामध्ये का नाही, तेव्हा वरुणने उत्तर दिले, "क्रिती का नाम इसीलिए नहीं था क्यूंकी क्रिती का नाम किसी के दिल में है. एक आदमी है जो मुंबई में नहीं है, वो इस वक्त शूटिंग कर रहा है दीपिका पदुकोण के साथ." त्याच्या या वक्तव्यानंतर क्रिती लाजताना दिसली.
क्रिती आणि प्रभासच्या डेटींगची चर्चा गेल्या अनेक दिवसांपासून सुरू आहे. क्रिती आणि प्रभास ओम राऊत दिग्दर्शित टी सीरीज आणि रेट्रोफिल्स निर्मित मेगा इंडियन चित्रपट 'आदिपुरुष' मध्ये दिसणार आहेत. यापूर्वी 12 जानेवारी 2023 रोजी रिलीज होणार होता; तथापि, तो आता 16 जून 2023 रोजी थिएटरमध्ये दाखल होईल. हा चित्रपट भारतीय महाकाव्य रामायणावर आधारित आहे. या चित्रपटात प्रभासने प्रभू रामाची तर सैफने लंकेशची भूमिका केली आहे.
हेही वाचा -प्रभासने क्रिती सेनॉनला घातली लग्नाची मागणी, लवकरच होईल एंगेजमेंट
