हैदराबाद : तमिळ चित्रपटसृष्टी ही त्यामधील संगीत, पटकथा आणि नृत्यामुळे संपूर्ण भारतात प्रसिद्ध आहे. या चित्रपटृष्टीत वेगळाच ठसा उमटविणाऱ्या निर्मात्याचे निधन झाले आहे. बऱ्याच काळापासून आजारी असलेले कॉलिवूडमधील प्रसिद्ध चित्रपट निर्माते एस. एस. चक्रवर्ती यांचे शनिवारी निधन झाले आहे. वयाच्या ५५ व्या वर्षी (शनिवारी) त्यांनी शेवटचा घेतला. त्यांच्यावर चेन्नई येथील रुग्णालयात उपचार सुरू होते. निर्माते एस. एस. चक्रवर्ती यांच्या चित्रपटाचा तमिळमध्ये खास प्रेक्षकवर्ग आहे. त्यांनी निक आर्ट्स बॅनरखाली तमिळमध्ये चित्रपट निर्मिती केली. त्यांच्या निधनाने दाक्षिणात्य चित्रपटसृष्टीत शोक व्यक्त होत आहे.
मिळालेल्या माहितीनुसार, त्यांच्या पार्थिवावर चेन्नईत अंत्यसंस्कार करण्यात आले आहेत . एसएस चक्रवर्ती यांनी एनआयसी आर्ट्सच्या बॅनरखाली सुमारे 14 चित्रपटांची निर्मिती केली होती. त्यापैकी नऊ चित्रपट हे एकट्या अभिनेता अजित कुमारचे होते. मात्र, कालांतराने दोघांमध्ये आर्थिक देवाण-घेवाणीवरून मतभेद झाल्याची माहिती समोर आली होती. चक्रवर्ती यांनी 1997 मध्ये 'रासी' मधून चित्रपटसृष्टीत पदार्पण केले. निर्माते एस. एस. चक्रवर्ती यांनी 'वाली', 'मुगावरी', 'नागरिक', 'रेड' आणि 'व्हिलन' सारख्या चित्रपटांमध्ये स्टार अभिनेत्यासोबत काम केले.