मुंबई :जगात यापूर्वी कधीही न पाहिलेली प्राचीन भारतीय शस्त्रे आधुनिक भारतात ब्रह्मास्त्र चित्रपटाद्वारे सुंदर आणि आकर्षकपणे चित्रित करण्यात आली आहेत. एक अभूतपूर्व कलाकार आणि एक वेधक कथानक, नेत्रदीपक वीएफएक्स आणि चार्ट-टॉपिंग संगीत असलेला हा चित्रपट प्रेक्षकांसाठी नवीन कथानकासह एक नवीन अनुभव देणारा आहे. ब्रह्मास्त्र भाग एक: शिव या अप्रतिम चित्रपटाचा वर्ल्ड टीव्ही प्रीमियर रविवार, २६ मार्च रोजी रात्री ८ वाजता फक्त स्टार गोल्डवर होणार आहे.
अध्यात्मिक भारतापासून प्रेरणा : जागतिक टीव्ही प्रीमियरच्या बातमीवर भाष्य करताना, दिग्दर्शक अयान मुखर्जी म्हणाला, ब्रह्मास्त्र हा एक असा चित्रपट आहे ज्याची कल्पना माझ्या डोक्यात जवळजवळ एक दशकापासून होती. अध्यात्मिक भारतापासून प्रेरणा घेऊन, आम्ही त्यात अत्याधुनिक व्हिज्युअलसह संपूर्ण नवीन आयाम जोडला. जेणेकरुन हा चित्रपट आजच्या प्रेक्षकांना प्रभावित करेल. त्याचा वर्ल्ड टीव्ही प्रीमियर रविवार, २६ मार्च रोजी स्टार गोल्डवर रात्री ८ वाजता होणार आहे. मला खात्री आहे की, तो जास्तीत जास्त प्रेक्षकांपर्यंत पोहोचेल. म्हणून मी त्याची आतुरतेने वाट पाहत आहे. संपूर्ण देशाने आमचा ब्रह्मास्त्र चित्रपट पाहावा, असे अयान म्हणाला.
ब्रह्मास्त्र हा एक आश्चर्यकारक प्रवास :आपल्या दिग्दर्शकाच्या शब्दांचा पुनरुच्चार करताना, ब्रह्मास्त्रमध्ये 'शिवा' ची भूमिका साकारणारा रणबीर कपूर, ज्याच्याकडे अग्नीची शक्ती आहे, तो म्हणाला, ब्रह्मास्त्र हा आपल्या सर्वांसाठी एक आश्चर्यकारक प्रवास आहे. त्यामध्ये सर्वकाही जीवनापेक्षा मोठे आहे. कथानक, दृश्य प्रभाव, संगीत या सर्वांमुळे आमचा पडद्यावरचा अनुभव खूप छान झाला. ब्रह्मास्त्रला एक दृश्य मेजवानी म्हटले तर चुकीचे ठरणार नाही, जी आपण संपूर्ण कुटुंबासह कोणत्याही व्यत्ययाशिवाय पाहू शकतो. तेव्हा ब्रह्मास्त्र भाग एकच्या जागतिक टीव्ही प्रीमियरसाठी सज्ज व्हा.
आलिया भट्टने आनंद व्यक्त केला :या चित्रपटात ईशाची भूमिका साकारणारी आलिया भट्ट म्हणाली, मला खूप आनंद होत आहे की ब्रह्मास्त्र रविवारी, २६ मार्च रोजी स्टार गोल्डवर रात्री ८ वाजता वर्ल्ड टीव्ही प्रीमियरसह आणखी मोठ्या प्रेक्षकांपर्यंत पोहोचणार आहे. थरारक तरीही भावनांनी भरलेले, सुपरहिट गाणी आहेत. मला खूप आनंद आहे की. आमचे बरेच प्रेक्षक ते त्यांच्या संपूर्ण कुटुंबासह त्यांच्या घरी आरामात पाहतील.
हेही वाचा :Bollywood Celebs Congratulate Nitu Ghanghas : बॉक्सिंग स्पर्धेत सुवर्णपदक जिंकणाऱ्या नीतू घनघासचे बॉलीवूड सेलिब्रिटींकडून कौतुक
