मुंबई - सुपरस्टार शाहरुख खान आपल्या नम्र स्वभावाने मन जिंकण्याची एकही संधी सोडत नाही. कोलकाता इंटरनॅशनल फिल्म फेस्टिव्हल 2022 (KIFF) चे उद्घाटनही या गोष्टीला अपवाद ठरले नाही, इथेही किंग खानने आपल्या प्रेमळ व्यक्तिमत्वाचे प्रदर्शित केले.
KIFF च्या उद्घाटन समारंभातील सर्वात लक्षवेधी क्षणांपैकी एक म्हणजे शाहरुखने मेगास्टार अमिताभ बच्चन आणि त्यांची पत्नी जया बच्चन यांचे चरण स्पर्श करून केलेले अभिवादन. शाहरुखने बिग बींना स्टेजवर घट्ट मिठीही मारली.
हे सुंदर क्षण दाखवणारा एक व्हिडिओ व्हायरल झाला आहे. शाहरुख खान युनिव्हर्स या शाहरुखच्या फॅन पेजवर शेअर करण्यात आलेल्या व्हिडिओमध्ये किंग खान दिग्गज कलाकारांना स्टेजवर शुभेच्छा देताना दिसत आहे. शाहरुख, बिग बी, जया बच्चन आणि राणी यांना एकत्र पाहून चाहते नॉस्टॅल्जिक झाले कारण त्यांना अभिनेत्यांच्या आयकॉनिक चित्रपट 'कभी खुशी कभी गम...' ची आठवण झाली.
"रयचंद कुटुंबाचे पुनर्मिलन," अशी सोशल मीडिया युजरने एक कमेंट केली आहे. "एसआरके सर्वोत्कृष्ट आहे. तो सर्वांचा आदर करतो," असे दुसऱ्याने लिहिले. तर "K3G पुनर्मिलन सर्वोत्तम मार्गाने," असे एका नेटिझनने ट्विट केले.
2001 मध्ये रिलीज झालेल्या 'कभी खुशी कभी गम' मध्ये शाहरुखने जया बच्चन, अमिताभ बच्चन यांच्या मुलाची भूमिका केली होती. करण जोहर दिग्दर्शित, या चित्रपटामध्ये काजोल, हृतिक रोशन आणि करीना कपूर देखील होते, बुधवारी या चित्रपटाला 21 वर्षे पूर्ण झाली. आणि विशेष म्हणजे, एका दिवसानंतर, शाहरुख, बिग बी आणि जया बच्चन पुन्हा KIFF मध्ये एकत्र आले. 'कभी खुशी कभी गम' मध्ये राणीचा कॅमिओ होता, हा चित्रपट K3G म्हणून प्रसिद्ध आहे.
'कभी खुशी कभी गम' व्यतिरिक्त, एसआरके आणि बिग बी यांनी 'मोहब्बतें', 'पहेली', 'वीर जरा', 'भूतनाथ रिटर्न्स' आणि 'कभी अलविदा ना कहना' या चित्रपटांमध्ये एकत्र काम केले आहे.
हेही वाचा -Shah Rukh Khan : माझ्यावर निगेटिव्हिटीचा परिणाम होत नाही शाहरुख खान
