मुंबई - katrina kaif :अभिनेत्री कतरिना कैफ सध्या तिच्या आगामी चित्रपट 'मेरी ख्रिसमस'मुळं चर्चेत आहे. तिचा हा चित्रपट 2024 रोजी रुपेरी पडद्यावर रिलीज होणार आहे. कतरिनाचा 'मेरी ख्रिसमस' हा डिसेंबर 2023 मध्ये प्रदर्शित होणार होता, परंतु अनेक वेळा तारीख बदलल्यानंतर शेवटी हा चित्रपट 12 जानेवारी 2024 रुपेरी पडद्यावर दाखल होत आहे. कतरिना कैफ आता या चित्रपटाच्या प्रमोशनमध्ये गुंतली आहे. कतरिनाने एका मुलाखती दरम्यान तिच्या वैयक्तिक आणि व्यावसायिक आयुष्याबद्दल सांगितलं. 'मेरी ख्रिसमस'च्या रिलीजपूर्वी तिनं एक मोठा खुलासा केला.
कतरिना कैफचा खुलासा :कतरिनानं आपल्या मॉडेलिंगच्या दिवसांची आठवण करून देताना म्हटलं की, तिला फिटनेस क्वीन मलायका अरोरा खूप आवडते. कतरिनानं खुलासा केला की तिनं मलायका अरोरा, मधु सप्रे आणि लक्ष्मी मेननला तिच्या मॉडेलिंगच्या दिवसांमध्ये ती रोल आयडॉल मानत होती. पुढं तिनं सांगितलं की, ती या सर्वांना फॉलो करायची आणि तिला सुपरमॉडेल बनायचं होतं. मलायका अरोरा ही सुपरस्टार सलमान खानचा लहान भाऊ अरबाज खानची एक्स पत्नी आहे. दरम्यान कतरिना कैफ आगामी चित्रपट 'मेरी ख्रिसमस'मध्ये विजय सेतुपती, राधिका आपटे, संजय कपूर, आदिती गोवित्रीकर, विनय पाठक, अश्विनी काळसेकर यांच्यासोबत दिसणार आहे.