मुंबई- अभिनेता कार्तिक आर्यनच्या यशाची कमान चढती राहिलेली आहे. बॉलिवूडमधील सर्वाधिक बिझी अभिनेत्यांमध्ये त्याची वर्णी लागली आहे. प्यार का पंचनामा या चित्रपटातील त्याची भूमिका आणि त्याचा मोनोलॉग आजही चाहत्यांच्या ओठावर आहे. आज त्याच्याकडे अर्धा डझन चित्रपट आहेत. अशातच त्याच्या चाहत्यांसाठी एक गोड बातमी आहे. प्यार का पंचनामा चित्रपटाच्या सिक्वेलसाठी त्याने होकार दिला आहे.
अभिनेता त्याच्या आगामी सत्यनारायण की कथा चित्रपटाच्या शूटिंगमध्ये व्यस्त आहे आणि त्याच्या आगामी थ्रिलर फ्रेडी मधून तो चाहत्यांच्या भेटीसाठीही सज्ज झालाय. रिपोर्ट्सनुसार, कार्तिकने प्यार का पंचनामाच्या तिसऱ्या भागासाठी लव रंजनसोबत पुन्हा एकत्र येण्यास होकार दिला आहे.
एकदा दिग्दर्शक लव रंजन त्याच्या अद्याप शीर्षक नसलेल्या रणबीर कपूर आणि श्रद्धा कपूर स्टाररच्या जबाबदारीतून मुक्त झाल्यावर प्यार का पंचनामा 3 होऊ शकतो. खरं तर, निर्माते फ्रेंचायझी पुढे नेण्यासाठी अनेक वर्षांपासून कल्पनांवर विचार करत आहेत. रणबीर आणि श्रद्धाच्या पुढील चित्रपटाच्या रिलीजनंतर लव प्यार का पंचनामा 3 वर काम सुरू करेल, ज्यामध्ये कार्तिकचा कॅमिओ असल्याचे म्हटले जात आहे.