मुंबई - Bigg Boss 17 New Promo:या आठवड्यात, अभिनेत्री अंकिता लोखंडेची आई आणि सासू, म्हणजेच विकी जैनच्या आईनं 'बिग बॉस 17'मध्ये प्रवेश केला, त्यानंतर हा एपिसोड खूप चर्चेत राहिला. या भागामध्ये अंकिताच्या सासूनं तिच्यावर टीका करत म्हटलं की, ''तुझी आई देखील तुझ्या वडिलांना चप्पल किंवा लाथानं मारत होती का ?, त्यानंतर याबद्दल बरीच चर्चाही झाली. आता हा मुद्दा पुन्हा एकदा 'वीकेंड का वार'मध्ये आला आहे. 'बिग बॉस 17'चा एक प्रोमो समोर आला आहे, ज्यामध्ये होस्ट करण जोहर विकी जैनला सांगतो की, ''एक पती म्हणून तू अंकिताच्या मागे उभे राहायला हवे.''
करण जोहरनं अंकिताला दिला पाठिंबा :त्यानंतर करणनं पुढं म्हटलं की, '' मी तुला तुझ्या आईविरुद्ध काहीही बोलू नये असं म्हणत नाही. पण अंकितासोबत तुझी आई काय बोलली हे तू विचारायला हवे.'' यानंतर अंकिता आणि विकी प्रोमोमध्ये बोलाताना दिसतात. विकी अंकिताला विचारतो की, ''तुझ्यासोबत आई काय बोलली हे सांग.'' त्यानंतर अंकिता सांगते की, ''तुझ्या वडिलांनी माझ्या आईला फोन करून विचारले की, तू तुझ्या पतीला अशा प्रकारे चप्पल आणि बूट फेकून मारत होती का?'' यानंतर विकी म्हणतो की, ''तुझे वडील आज असते तर काय केलं असतं. जेव्हा तुला काही गोष्टी हाताळता येत नाहीत, तेव्हा तू माझ्याकडे एका वेगळ्या अंदाजात येते ही गोष्ट राष्ट्रीय टीव्हीवर चांगली दिसत नाही. हे तू कधी समजणार.''