हैदराबाद : प्रसिद्ध कन्नड अभिनेता संपत जयराम यांच्या आत्महत्येप्रकरणी मोठी बातमी समोर आली आहे. अभिनेत्याचा जवळचा मित्र आणि सहअभिनेता राजेश ध्रुवने खुलासा केला आहे की संपतचा मृत्यू एका प्रँक दरम्यान झाला होता. 35 वर्षीय कन्नड अभिनेता 22 एप्रिल रोजी त्याच्या नेलमंगला निवासस्थानी लटकलेल्या अवस्थेत सापडला होता. पोलीस त्याच्या मृत्यूचा तपास करत आहेत. अशा परिस्थितीत अभिनेत्याच्या खास मित्राचा महत्त्वपूर्ण खुलासा धक्कादायक आहे. कंथारा सिनेमात संपत जयरामने भूमिका केली होती.
दुर्दैवाने गमवावा जीव लागला : राजेश ध्रुव म्हणाले की संपतला त्याच्या पत्नीला धमकावायचे होते, म्हणून त्याने खोटी फाशी घेण्याचा निर्णय घेतला. त्याचा परिणाम खूप धोकादायक झाला आणि त्याचा मृत्यू झाला. संपतच्या सहकलाकाराने इंस्टाग्रामवर एक व्हिडिओ शेअर करून संपतच्या आत्महत्येबाबत धक्कादायक खुलासा केला आहे. राजेशने सांगितले की, घटनेच्या रात्री या जोडप्यामध्ये किरकोळ भांडण झाले. संपतने पत्नीला घाबरवण्यासाठी 'प्रॅंक' खेळण्याचा निर्णय घेतला. दुर्दैवाने यावेळी त्याला आपला जीव गमवावा लागला.