मुंबई- अभिनेत्री कंगना रणौतने एक थ्रोबॅक व्हिडिओ शेअर केला आहे. यामध्ये ती तिच्या रास्कल आणि डबल धमाल या चित्रपटांबद्दल बोलताना दिसत आहे. कंगना म्हणाली की, तिने कधीही कोणताही चुकीचा निर्णय घेतला नाही. कंगनाने इंस्टाग्राम स्टोरीजवर रास्कल्स आणि डबल धमालमध्ये काम करण्याबद्दल बोलत असलेल्या तिच्या फॅन पेजवरून एक जुना व्हिडिओ शेअर केला. या सिनेमासाठी तिने सहाय्यक भूमिका केली होती.
कंगना या व्हिडिओत म्हणते, 'आयुष्यात प्रत्येकजण कधीतरी एक चुकीचा निर्णय घेतो. मीही त्याला अपवाद नाही. काही लोक म्हणतात की, माझा तो निर्णय चुकीचा होता. पण मला तसे वाटत नाही. लोकांना वाटते की मी रास्कल आणि डबल धमाल सारखे चित्रपट करायला नको होते. तू याहून अधिक चांगल्या गोष्टींसाठी पात्र आहेस'.
ती पुढे म्हणाली, 'हो, पण तेव्हा माझ्याकडे कोणतेही पर्याय नव्हते, त्यामुळे मी कोणतेही काम छोटे मानले नाही. यासाठी जे काही पैसे मला मिळाले तरीही. माझे जी काही छोटी मोठी स्वप्ने होती मग ते कॅलिफोर्नियात फिल्म कोर्स करणे, न्यूयॉर्क फिल्म अकादमीत जाणे... ही स्वप्ने मी पूर्ण केली'.