मुंबई : बॉलिवूड अभिनेत्री कंगना रनौत ही तिच्या अनेक वादग्रस्त विधानामुळे चर्चेत राहते. आता पुन्हा एकदा ती चर्चेत आली आहे. चित्रपटांसोबतच कंगना सामाजिक विषयांवरही खूप सक्रिय असते. अभिनेत्री कोणत्याही गंभीर विषयावर आपले मत व्यक्त करण्यास मागे हटत नाही. दरम्यान, कंगनाने सोशल मीडियावर व्हायरल होत असलेल्या एका व्हिडिओवर कमेंट केली आहे. तिने मंगळवारी हिमालयाच्या बेस कॅम्प माउंट एव्हरेस्टजवळ एक व्हिडिओ शेअर केला आहे. या व्हिडिओत खूप कचरा त्या ठिकाणी पसरला आहे.
कंगनाचे सोशल मीडियावर केले कौतुक : व्हिडिओ शेअर करताना तिने लिहिले, जगाला माणसांपासून वाचवण्याची गरज आहे. लोक स्वतःला देव मानतात. त्यांचे वास्तव तपासावे. ते सर्वत्र त्यांच्या दुर्गंधीयुक्त पावलांचे ठसे सोडतात. ते निसर्गाचा आदर करत नाहीत. अनेक ट्विटर वापरकर्ते कंगना रनौतशी सहमत असल्याचे दाखविले आहे. या व्हिडिओवर कमेंट करताना तिने लिहिले, 'माउंट एव्हरेस्टचा मागोवा घेणे थांबवा आणि आधी सर्व स्वच्छ करावे. तुमच्या जवळचे दृश्य खूप वाईट आहे. तिच्या या कमेंटनंतर चाहत्यांनी या पोस्टवर तीव्र प्रतिक्रिया व्यक्त करत त्यांच्या मताचे समर्थन केले आहे. शिवाय तिने ही चूकी लक्षात आणून दिल्याबद्दल तिचे कौतुक केले.