मुंबई - Vicky Kaushal shares painful video : अभिनेता विकी कौशलनं त्याच्या इन्स्टाग्राम स्टोरीमध्ये एक मजेदार व्हिडिओ पोस्ट केलाय. यामध्ये तो व्यायामशाळेत कठीण श्रम केल्यानंतर त्याला चालण्यास त्रास होताना दिसतोय. त्यानं आपल्या या स्थितीची तुलना काल रात्री झालेल्या विश्वचषकाच्या अंतिम फेरीतील पराभवाशी केलीय. विकी कौशल त्याच्या आगामी चित्रपट 'सॅम बहादूर'च्या रिलीजसाठीची तयारी करतोय.
विकी कौशलनं शेअर केला वेदनादायी व्हिडिओ विकी कोशलनं त्याच्या जिम ट्रेनरला टॅग करत लिहिले: "कल दिल टुटा आज शरीर... पण आम्हाला फक्त बढते चलो इतकंच कळतंय. लेग डे विथ मुस्तफा द बुल अहमद".
विकी कौशलनं शेअर केला वेदनादायी व्हिडिओ अहमदाबाद येथे झालेल्या भारत विरुद्ध ऑस्ट्रेलिया विश्वचषक फायनल मॅचचासंदर्भ देऊन इथे विकी कौशलनं हार्टब्रेक हा शब्दा वापरलाय. प्रामाणिक प्रयत्न करूनही टीम इंडियाचा ऑस्ट्रेलियाकडून 6 विकेट्सने पराभव झाला. 1.4 अब्ज भारतीय यामुळे नाराज झाले. 2011 नंतर भारतीय संघ विश्वचषक ट्रॉफी उचलण्याच्या अगदी जवळ पोहोचला होता.
क्रिकेटचा एक उत्कट चाहता असलेल्या विकी कौशललाही या पराभवाचं दुःख झालंय. त्यामुळे त्यानं व्यायाम शाळेत पायात आलेल्या वेदनेची तुलना भारतीय क्रिकेट संघाच्या दुःखाशी केलीय.
कामाच्या आघाडीवर, विकी कौशल सध्या त्याच्या सॅम बहादूर या आगामी चित्रपटाच्या प्रमोशनमध्ये गुंतला आहे. या चित्रपटाचा बहुप्रतिक्षित ट्रेलर प्रदर्शित झाला होता. या चित्रपटात तो सॅम माणेकशॉची व्यक्तिरेखा साकारत आहे. यासाठी त्यानं सॅम माणेकशा यांच्या बॉडी लँग्वेजमधील छोटे छोटे बारकावे आत्मसात केले आहेत. एका प्रमोशनल टूरमधून विकी कौशनं इन्स्टाग्रामवर गोरखा योद्ध्यांसोबत खुकुरी नृत्य करतानाचा व्हिडिओ देखील पोस्ट केला आहे. यामध्ये तो सहकारी सैनिकांसोबत स्टेप्स फॉलो करताना दिसत असून त्याच्या नृत्त्यात एक सराईत डान्सरची झलक पाहायला मिळतेय.
'सॅम बहादूर' 1 डिसेंबरला थिएटरमध्ये प्रदर्शित होणार आहे. रणबीर कपूर अभिनीत 'अ‍ॅनिमल' या चित्रपटाशी त्याच्या चित्रपटाचा बॉक्स ऑफिसवर संघर्ष होईल. 'सॅम बहादूर' हा चित्रपट मेघना गुलजार यांनी दिग्दर्शित केला आहे आणि रॉनी स्क्रूवाला यांच्या आरएसव्हीपी मूव्हीज अंतर्गत निर्माण केला आहे.
हेही वाचा -
- 'तुम बिन' फेम प्रियांशू चॅटर्जीचा 'हटके' फोटो सोशल मीडियावर व्हायरल
2.'टायगर 3'नं विश्वचषक सामन्याच्या फायनलच्या दिवशी केली 'एवढी' कमाई; जाणून घ्या
3.ऑस्ट्रेलियाविरुद्ध पराभवानंतर अनुष्का शर्मानं विराटला मारली मिठी
