मुंबई - Jr NTR: दिवंगत साऊथ सुपरस्टार एनटी रामाराव यांची 28वी पुण्यतिथी आज 18 जानेवारी रोजी आहे. या प्रसंगी साऊथ सुपरस्टार ज्युनियर एनटीआरनं हैदराबादमधील एनटीआर गार्डन येथे असलेल्या त्यांच्या समाधीला भेट देऊन त्याच्या आजोबांना श्रद्धांजली वाहिली. श्रद्धांजली वाहत असताना त्याच्या डोळ्यात पाणी आले होते. यावेळी ज्युनियर एनटीआरसोबत अनेक राजकारणी आणि अभिनेते देखील श्रद्धांजली वाहण्यासाठी यावेळी आले होते. ज्युनियर एनटीआर हा अभिनेता कल्याण रामसोबत यावेळी पोहचला होता. इथले व्हिडिओ सोशल मीडियावर व्हायरल होत आहेत.
दिवंगत साऊथ सुपरस्टार एनटी रामाराव यांची पुण्यतिथी : ज्युनियर एनटीआर काळ्या रंगाची हुडीमध्ये दिसत आहे. यावर त्यानं फेस मास्क देखील घातला आहे. व्हिडिओमध्ये सुरक्षा रक्षक काही लोकांना हटवतांना दिसत आहेl. ज्युनियर एनटीआरसोबत काळ्या शर्टमध्ये आलेला कल्याण रामही सीनियर एनटीआरला श्रद्धांजली वाहतो आहे. ज्युनियर एनटीआरचे आजोबा एनटी रामाराव हे चित्रपटसृष्टीसोबतच राजकारणातही सुपरहिट ठरले. 18 जानेवारी 1996 रोजी हृदयविकाराच्या झटक्याने त्यांचे निधन झाले. त्यानंतर संपूर्ण चित्रपटसृष्टीत शोककळा पसरली होती. एनटी रामाराव यांना श्रद्धांजली वाहण्यासाठी अनेकजण एनटीआर गार्डनमध्ये पोहचले होते.