Jawan Box Office Collection Day 6 : शाहरुख खान स्टारर 'जवान' हा चित्रपट बॉक्स ऑफिसवर चांगली कमाई करत आहे. या चित्रपटानं जगभर धुमाकूळ घातला आहे. हा चित्रपट अनेक चित्रपटांचे रेकॉर्ड मोडले आहेत. शाहरुखचा 'जवान' सध्या एक इतिहास रचत आहे. रिलीजच्या अवघ्या पाच दिवसांत 'जवान'नं 300 कोटींचा टप्पा ओलांडला आहे. फिल्म प्रोडक्शन हाऊस रेड चिलीज एंटरटेनमेंट निर्मित या चित्रपटाचं दिग्गदर्शन हे अ‍ॅटलीनं केलं आहे. हे वर्ष बॉलिवूडसाठी खूप खास आहे.
'जवान' बॉक्स ऑफिस कलेक्शन :7 सप्टेंबर रोजी रिलीज झालेल्या शाहरुख खानच्या 'जवान' चित्रपटानं गेल्या पाच दिवसांत बॉक्स ऑफिसवरील सर्व रेकॉर्ड मोडले आहेत. सॅकनिल्कच्या रिपोर्टनुसार, शाहरुखचा 'जवान'नं पहिल्या दिवशी 75 कोटींची कमाई करून, हिंदी चित्रपटांच्या इतिहासात सर्वाधिक कलेक्शन करणारा पहिला चित्रपट ठरला आहे. रिलीजच्या दुसऱ्या दिवशी 'जवान' चित्रपटानं देशभरातील बॉक्स ऑफिसवर 53 कोटींची कमाई केली. त्यानंतर तिसऱ्या दिवशी 77.83 कोटी, चौथ्या दिवशी 80.1 कोटी आणि पाचव्या दिवशी 30.5 कोटीचा व्यवसाय केला. यासह या चित्रपटाचं एकूण कलेक्शन 316.16 कोटी झाले आहे. हा चित्रपट आता रिलीजच्या सहाव्या दिवसात आहे. 'जवान' चित्रपट सहाव्या दिवशी 27.50 कोटी कमाई करू शकतो असा अंदाज व्यक्त केला जात आहे. यासह या चित्रपटाचं एकूण कलेक्शन 344.16 कोटी होईल.