मुंबई : आरोग्य चांगले असेल तर शरीर निरोगी राहते आणि आजार होण्याची शक्यताही कमी असते. बी-टाऊन सेलिब्रिटीही यावर विश्वास ठेवतात. मलायका अरोरा असो वा शिल्पा शेट्टी आणि करीना कपूर, असे अनेक सेलिब्रिटी आहेत जे योगा करतात आणि त्यांच्या चाहत्यांनाही योगा करण्यासाठी प्रेरित करतात. आज आंतरराष्ट्रीय योग दिवस आहे आणि योगासने सुरू करण्यासाठी हा चांगला दिवस आहे. येथे पहा तुमचे आवडते बॉलीवूड सेलिब्रिटी जे योग करून तंदुरुस्त राहतात आणि ज्यांच्याकडून प्रेरणा घेऊन तुम्ही देखील योग करू शकता.
शिल्पा शेट्टी : शिल्पा शेट्टी अशा अभिनेत्रींपैकी एक आहे जिला लोक योग क्वीन देखील म्हणतात. शिल्पा बऱ्याच दिवसांपासून योगा करत असून तिने योगाद्वारे तिच्या चाहत्यांमध्ये एक वेगळी ओळखही निर्माण केली आहे. शिल्पा अनेकदा तिच्या इन्स्टाग्राम अकाउंटवर योगा करतानाचे फोटो आणि व्हिडिओ शेअर करत असते.
मलायका अरोरा :योग हा मलायकाच्या दिनचर्येचा एक मोठा आणि महत्त्वाचा भाग आहे. मलायका अरोरा फिट राहण्यासाठी योगा करते. तिच्या एका पोस्टमध्ये मलायका चक्की चालनासन करताना दिसली. या पोस्टमध्ये मलायकाने कॅप्शन लिहिले की, 'मी येथे करत असलेली पोज चक्की चालनासन नावाचे शक्तिशाली योग आसन आहे. हे आसन केल्याने पोटाचे स्नायू मजबूत होतात, पचनक्रिया सुधारते आणि मानसिक आरोग्य स्पष्ट होण्यासोबतच ताण कमी होण्यासही मदत होते. त्यामुळे हे आसन आपल्या शरीरासाठी फार उपयुक्त आहे.
करीना कपूर : अभिनेत्री करीना कपूर अनेकदा योगा करताना दिसते. करिनाने तिच्या वर्कआउटचे व्हिडिओ शेअर केले आहेत ज्यामध्ये चाहते तिला योगा करताना पाहू शकतात. 'टशन' चित्रपट रिलीज झाल्यापासून करीना कपूर तिच्या फिटनेसमुळे चर्चेत आहे आणि आजही लोक तिच्या फिटनेसचे कौतुक करताना थकत नाहीत.
अनुष्का शर्मा :तिची मुलगी वामिकाच्या जन्मापूर्वी अनुष्का शर्माच्या योगा करतानाचा एक व्हिडिओ खूप चर्चेत आला होता. या व्हिडिओमध्ये अनुष्का योगा करत होती ज्यामध्ये पती विराट कोहली तिला सपोर्ट करत होता. अनुष्का गरोदरपणात हेडस्टँड करताना दिसली होती, ज्यावर तिने सांगितले की ती गरोदरपणातही योगा करते.
आलिया भट्ट : आलिया भट्ट ही आणखी एक अभिनेत्री आहे जी तिचा फिटनेस राखण्यासाठी योगा करते. आलिया घरी योगा करताना अनेक वेळा व्हिडिओ शेअर करते. लोकांनाही योगा करण्यासाठी ती प्रोत्साहन देत असते