मुंबई - Ileana D'Cruz Son : अभिनेत्री इलियाना डिक्रूज सध्या मातृत्वाचा आनंद घेत आहे. इलियाना ही यापूर्वी तिच्या प्रेग्नन्सीमुळे चर्चेत होती. तिला बाळ होऊन आता 2 महिने झाले आहे. दरम्यान आता तिनं इंस्टाग्रामवर काही फोटो शेअर केली आहेत. या फोटोमध्ये ती आपल्या बाळासोबत आहे. इलियानानं आपल्या मुलाचे नाव कोआ फीनिक्स डोलन असं ठेवलं आहे. शेअर केलेल्या फोटोवरुन ती तणावात असल्याचं दिसत आहे. या फोटोमध्ये तिचे मुल हे निट दिसत नाही. इलियाना ही सध्या घरी असून तिच्या मुलाची काळजी घेत आहे. कोआचा जन्म हा 1ऑगस्ट 2023 रोजी झाला. इलियाना आपला पूर्ण वेळ मुलाला देत आहे.
इलियानानं सोशल मीडियावर पोस्ट केलं फोटो :इलियाना डिक्रूजनं शेअर केलेल्या फोटोमध्ये इलियानाचा अर्धा चेहरा दिसत आहे. तसेच तिचं मुल हे शांतपणे तिच्या खांद्यावर झोपलं आहे. या फोटोवर तिनं कॅप्शनमध्ये लिहलं 'तुमच्या बाळाला वेदना होत असताना तुम्ही काहीही तयार करत नाही.' या फोटोवरुन ही पुष्टी होते की, तिच्या बाळाला खूप वेदना होत आहेत. त्यानंतर तिनं दुसऱ्या फोटोमध्ये लिहलं , '2 महिने आधीचं.' तिच्या या पोस्टवर अनेकजण कमेंट करत तिच्या बाळाचं कौतुक करत आहेत. याशिवाय तिला काळजी घेण्यासाठी सल्ला देत आहेत.