मुंबई- बॉलिवूड अभिनेता हृतिक रोशनने शनिवारी त्याच्या दंडाच्या मोठ्या बेटकुळीचा पूर्वी कधीही शेअर न केलेला फोटो पोस्ट केला आहे. आपले शरीरसौष्ठव बळकट करण्यासाठी तो जीममध्ये अविरत मेहनत घेत असतो. त्याचा हा बाहुदंड पाहिला की तो किती मेहनत घेत असेल याची साधारण कल्पना आपल्याला येऊ शकेल.
हृतिक रोशनने त्याच्या इंस्टाग्राम खात्यावर त्याचे टोन्ड शरीर शेअर केले. ज्यामुळे त्याचे चाहते आश्चर्यचकित झाले आहेत. हृतिकची आई, पिंकी रोशन आणि इतर अनेकांनी त्याच्या पोस्टवर त्याची प्रशंसा केली आहे. त्याने शेअर केलेल्या बायसेप्स फ्लेक्सचे सर्वजण करताना दिसत आहेत. सध्या हा अभिनेता हृतिक रोशनत्याच्या फायटर या अ‍ॅक्शनपटावर काम करत आहे.
इंस्टाग्रामवर फोटो शेअर करताना हृतिकने त्याच्यासारखे शरीर राखण्यासाठी काय करावे लागते याबद्दल लिहिले. तो म्हणाला की आहार आणि झोप यांचा ताळमेळ बसतो तेव्हा खूप छान वाटते. हा फोटो नोव्हेंबर 2022 मध्ये घेण्यात आला होता आणि सध्या मुलं स्प्रिंग व्हेकेशनमध्ये असल्यामुळे मेहनतीकडे दुर्लक्ष होऊ नये याची आठवण व्हावी म्हणून हा फोटो देत आहे. अन्न आणि झोप कशी असते हे मजेदार आहे - आपल्यापैकी बरेच जण अपयशी ठरतात कारण त्यांना शांत मन आणि शिस्तीने भरलेले दिवस आवश्यक असतात, असेही तो पुढे म्हणाला.