मुंबई - Krrish 4 on floors soon : हृतिक रोशनच्या क्रिश चित्रपटाचं तुम्ही चाहते असाल तर तुमच्यासाठी एक आनंदाच बातमी आहे. क्रिश या यशस्वी सुपरहिरो फ्रँचायजीचा चौथा भाग येणार यावर शिक्का मोर्तब झालंय. हृतिकनं या चित्रपटाची स्क्रिप्ट निश्चित केली आहे. दीर्घ काळानंतर या चित्रपटाची निर्मिती होणार असल्यामुळे कथेतील बारकाव्यांवर कसून नजर टाकण्यात आली आहे.
हृतिकने क्रिश 4 ची संपू्र्ण स्क्रिप्ट डोळ्या खालून घातली आहे. यासाठी त्यानं भारतातील पहिल्या सुपरहिरो फ्रँचायझीच्या अपडेटची खूप दिवसांपासून वाट पाहत असलेल्या चाहत्यांच्या अपेक्षा पूर्ण करण्यासाठी काही बदल केले आहेत. हृतिक आता क्रिश 4 चे शूटिंग फेब्रुवारी किंवा मार्चमध्ये सुरू करण्याची तयारी करत आहे. या भूमिकासाठी त्याला शरीरयष्ठीत काही बदल करावे लागणार आहेत. यासाठीची तयारीही तो करत आहे.
शूटिंग लोकेशनच्या बाबतीत प्रॉडक्शन टीम विविध आंतरराष्ट्रीय स्थळांचा विचार करत आहे.याबबतचा तपशील ठरल्यानंतर चित्रपटाच्या बजेटवर काम सुरू होईल. सिंगापूरमध्ये शुटिंग करण्यावरही टीमचा भर असल्याचं समजतंय. जगातील सर्वोत्तम लोकेशन्सवर शुटिंग करण्याचा टीमचा भर आहे. क्रिश, कोइ मिल गया या चित्रपटानं क्रिश फिल्म फ्रँचायझीने सुरुवात केली होती. 8 ऑगस्ट रोजी या चित्रपटाला 20 वर्षे पूर्ण झाली. एका विशेष दिव्यांग मुलाची कथा असलेल्या या हृदयस्पर्शी चित्रपटात जादु हा एलियन्स भेटीस येतो आणि त्याचं जीवन बदलून जातं. ही कथा अबालवृद्धांच्या पसंतीस उतरली होती आणि हृतिकला सुपरहिरोची ओळख मिळाली होती.
ग्लोबल स्टार प्रियांका चोप्रा जोनास क्रिश फ्रँचायझीमध्ये पुन्हा सामील होण्याची दाट शक्यता आहे. प्रीती झिंटा परत येण्याची शक्यता नसल्यामुळे चित्रपट निर्माते प्रियांकाची भूमिका पुन्हा साकारण्यासाठी सक्रियपणे पाठपुरावा करत आहेत. क्रिश फ्रँचायझीमध्ये प्रियांका आणि हृतिकला परत पाहणे मनोरंजक असेल. परंतु हॉलिवूडमध्ये खूप बिझी झालेली प्रियांका यासाठी सवड काढते का पाहणं औत्सुक्याचं असेल. क्रिशचा चौथा भाग पाहण्यासाठी उत्सुक असलेल्या चाहत्यांना ही नवीन अपडेट निश्चितच दिलासा देणारी ठरु शकेल.