मुंबई- रंजक आणि विनोदी कथांवर आधारित चित्रपट करणारा अभिनेता राजकुमार राव आता सस्पेन्स आणि थ्रिलरने भरलेला 'हिट - द फर्स्ट केस' चित्रपट घेऊन आला आहे. गुरुवारी (२३ जून) या चित्रपटाचा ट्रेलर रिलीज झाला आहे. या चित्रपटात राजकुमार राव एका उत्कृष्ट पोलिसाच्या भूमिकेत दिसत आहे. पोलिस खात्यातील होमिसाईड इंटरव्हेंशन टीमचा तो महत्त्वाचा भाग आहे. चित्रपटात तो हायवेवरून बेपत्ता झालेल्या मुलीचा शोध घेत आहे.
सुमारे अडीच मिनिटांचा हा ट्रेलर तुम्हाला सुरुवातीपासूनच आपल्या कवेत घेईल आणि क्षणार्धात हे सर्व काय घडले हे तुम्हाला शेवटपर्यंत समजणार नाही. बेपत्ता मुलीचा शोध घेण्यासाठी राजकुमार रावला बोलावले जाते आणि तो तिची बारकाईने चौकशी करतो, असे ट्रेलरमध्ये दिसत आहे. मुलगी जिवंत आहे की मृत, हे चित्रपट पाहिल्यानंतरच कळेल, पण जेव्हा राजकुमारची मैत्रीण नेहा (सान्या मल्होत्रा) हिचे अपहरण होते तेव्हाच हा शोध अधिक तीव्र होतो.
हा एक इन्‍वेस्‍ट‍िगेटिंग क्राईम ड्रामा थ्रिलर चित्रपट आहे, ज्यामध्ये प्रेक्षकांना खूप सस्पेन्स पाहायला मिळणार आहे. दिलीप ताहिल, मिलिंद गुणाजी, शिल्पा शुक्ला आणि संजय नार्वेकर हे देखील चित्रपटाच्या इतर कलाकारांमध्ये आहेत.