मुंबई :जेष्ठ अभिनेत्री आणि दिवंगत अभिनेते ऋषी कपूर यांची पत्नी नीतू सिंग या 8 जुलै रोजी 65 वर्षांच्या झाल्या आहेत. सध्याला नीतू सिंग या कुटुंबासोबत लंडनमध्ये असून त्या वाढदिवस साजरा करत आहेत. या खास प्रसंगी नीतू सिंगचे कुटुंबीय आणि त्यांचे चाहते त्यांना वाढदिवसाच्या शुभेच्छा देत आहेत. रणबीर कपूरने लंडनला पोहोचून आपल्या आईला आश्चर्यचकित केले आणि तिचा वाढदिवस हा मोठ्या उत्साहात साजरा केला. दुसरीकडे, काही कारणास्तव आलिया भट्ट ही सासू नीतू सिंगचा वाढदिवस साजरा करण्यासाठी लंडनला जाऊ शकली नाही. आलिया भट्टने तिला भारतातून वाढदिवसाच्या शुभेच्छा दिल्या आहेत आणि लेक राहाच्या वतीने आजीला खूप प्रेम पाठवले आहे. आलिया भट्टने सासू नीतू सिंगचा फोटो शेअर करत तिला वाढदिवसाच्या शुभेच्छा दिल्या. आलियाने लिहिले आहे की, 'राणीला वाढदिवसाच्या शुभेच्छा, तूझे सर्व काही अद्भुत आणि तुझ्यावर खूप प्रेम आहे', असे आलियाने पोस्टमध्ये लिहले आहे.
सासू नीतू सिंगसाठी आलिया भट्टची अभिनंदनाची पोस्ट : दरम्यान नीतू सिंगने त्यांच्या वाढदिवसाच्या पोस्टमध्ये लंडनमधील एक कौटुंबिक फोटो शेअर केला आणि लिहिले, 'सुंदर दिवस, आलिया भट्ट आणि राहा मला तुमच्या प्रेमाची खूप आठवण झाली, माझ्या सर्व मुलांसाठी प्रेम'. अशी पोस्ट नीतू सिंग यांनी केली.