मुंबई - Guntur Kaaram: साऊथ अभिनेता महेश बाबू स्टारर 'गुंटूर कारम' हा चित्रपट लवकरच रुपेरी पडद्यावर प्रदर्शित होणार आहे. 'गुंटूर कारम' त्रिविक्रम श्रीनिवास दिग्दर्शित अ‍ॅक्शन ड्रामा चित्रपट आहे. आता अनेकजण या चित्रपटाची आतुरतेने वाट पाहत आहेत. दरम्यान परदेशात या चित्रपटाची प्री-सेल सुरू झाली आहे. 'गुंटूर कारम' चित्रपट आगाऊ बुकिंगमध्ये मोठी कमाई करत आहे. महेश बाबू स्टारर हा चित्रपट 6 जानेवारी रोजी प्रदर्शित होणार होता, पण काही कारणामुळं या चित्रपटाची प्रदर्शनाची डेट समोर ढकलण्यात आली होती. आज 6 जानेवारी रोजी चित्रपटाचा ट्रेलर लॉन्च कार्यक्रम देखील रद्द करण्यात आला आहे.
महेश बाबू स्टारर हा चित्रपट 'या' दिवशी होणार प्रदर्शित : 'गुंटूर कारम' चित्रपटाच्या निर्मात्यांनी त्यांच्या एक्स हँडलवर माहिती दिली आहे की, ''आज 6 जानेवारी रोजी होणारा प्री-रिलीज कार्यक्रम काही कारणास्तव रद्द करण्यात आला आहे.'' गुंटूर कारम'बद्दल सोशल मीडियावर सध्या खूप चर्चा सुरू आहेत. दरम्यान विजयवाडा सिटी राज थिएटरच्या बाहेर महेश बाबूचा 85 फूट कट आऊट उभारण्यात आला आहे. महेश बाबूचे चाहते आता उद्याची म्हणजेच 7 जानेवारीची सध्या वाट पाहात आहे. हा चित्रपट रुपेरी पडद्यावर 12 जानेवारीला प्रदर्शित होत आहे. नुकतीच बातमी आली होती की 'गुंटूर कारम' चित्रपट आता उत्तर भारतात हिंदीतही प्रदर्शित होणार आहे.