मुंबई - 90 च्या दशकातील स्टार गोविंदाने अनेक ब्लॉकबस्टर चित्रपट आणि त्याहूनही आकर्षक गाण्यांसह कारकीर्द गाजवली ज्यामध्ये त्याने काही संस्मरणीय डान्स नंबर्स सादर केले. आज तो आपला वाढदिवस साजरा करत असताना या दोन वेळा फिल्मफेअर पुरस्कार विजेत्या अभिनेत्याच्या सर्वोत्तम डान्स नंबर्सपैकी 5 वर एक नजर टाकूया.
किसी डिस्को में जाये -1998 च्या 'बडे मियाँ छोटे मियाँ' या चित्रपटातील या अत्यंत आकर्षक ट्यूनमध्ये, गोविंदाने अभिनेत्री रवीना टंडनसह अनेक ठिकाणी विविध पोशाख बदलांसह नृत्य करताना त्याच्या स्वॅगसह पडद्यावर जबरदस्त छाप सोडली.
आप के आ जाना से -'खुदगर्ज' या चित्रपटात चमकदार आणि बर्फाच्छादित पर्वतांच्या मधोमध रोमँटिक गाण्यामध्ये गोविंदा आणि अभिनेत्री नीलम यांची जबरदस्त केमेस्ट्री पाहायला मिळाली.
हुस्न है सुहाना -'कुली नं. 1' चित्रपटातील ही पेप्पी ट्यून कान आणि डोळ्यांसाठी एक ट्रीट आहे. विशाल सेट्स, गोविंदा आणि करिश्मा कपूरचे नाट्यमय वेशभूषा आणि नर्तकांचे ब्रॉडवे सारखे प्रचंड समूह या सर्वांमुळे हे गाणे संस्मरणीय बनले.
एक लडकी चाहिये खास खास -'क्यों की...मैं झुठ नहीं बोलता' या चित्रपटाच्या ठळक वैशिष्ट्यांपैकी एक म्हणजे सोनू निगम आणि जसपिंदर नरुला यांनी गायलेल्या या हे युगल गीत. या गाण्यात डेनिम घातलेला गोविंदा माजी मिस युनिव्हर्स सुष्मिता सेनसोबत अनेक महानगराच्या लोकेशन्सवर जबरदस्त डान्स करताना दिसतो.
आँखियों से गोली मारे -'दुल्हे राजा'मध्ये, 59 वर्षीय अभिनेता गोविंदा रवीना टंडनसोबत पुन्हा एकदा पडद्यावर जबरदस्त ऊर्जा निर्माण करताना दिसला. म्युझिक व्हिडिओमध्ये हैदराबादच्या रामोजी फिल्म सिटीतील नेत्रसुखद हिरवीगार ठिकाणे आणि कलाकारांच्या जोडीने सहजतेने नाचताना परिधान केलेल्या विलक्षण पोशाखांसह डोळ्यांसाठी एक मेजवानी दिली.
हेही वाचा -गौहर खान, जैद दरबार यांनी व्हिडिओद्वारे शेअर केली गर्भधारणेची गुड न्यूज
