मुंबई -Farrey teaser Out : गेल्या काही दिवसांपासून अनेक स्टार किडची बॉलिवूडमध्ये एंट्री करत आहेत. दरम्यान आता सलमान खानच्या प्रोडक्शनमध्ये एक चित्रपटाची निर्मिती सुरू केली आहे . या चित्रपटाचं नाव 'फर्रे' असं असणार आहे. या चित्रपटाद्वारे सलमान खानची भाची अलिझेह अग्निहोत्री बॉलिवूडमध्ये पदार्पण करणार आहे. सध्या 'फर्रे' या चित्रपटाचा टीझर रिलीज झाला आहे, ज्यामध्ये अलिझेह इतर कलाकारांसह दिसत आहेत. हा अलिझेहचा पहिला बॉलिवूड चित्रपट आहे. त्यामुळे ती या चित्रपटासाठी खूप उत्सुक आहे. या चित्रपटाची स्टोरी परीक्षा पद्धती आणि अभ्यास करणाऱ्या मुलांच्या आयुष्यावर आधारित असणार आहे.
'फर्रे' चित्रपटाचा ट्रिझर झाला रिलीज : 'फर्रे' हा चित्रपट थ्रिलर असल्याचं टीझरवरून दिसत आहे. या चित्रपटाच्या पहिल्या झलकनं इंटरनेटवर चर्चा सुरू केली. 'फर्रे' या चित्रपटाचे अनेक वापरकर्ते कौतुक करत आहेत. चित्रपटाचा टीझर लोकांचा उत्साह वाढवत आहे. सलमान खाननं त्याच्या इन्स्टाग्राम अकाऊंटवर 'फर्रे' चित्रपटाचा टीझर शेअर केला आहे. हा टीझर चाहते खूप पसंत करत आहेत. भाईजान हा भाची अलिझेहला बॉलीवूडमध्ये पदार्पण करण्यासाठी पूर्ण पाठिंबा देत आहे. यापूर्वी सलमाननं आपल्या भाचीसाठी एक पोस्ट शेअर केली होती. सलमानची ही पोस्ट खूप हृदयस्पर्शी होती. यासोबतच 'फर्रे' या चित्रपटाकडून सलमान खानला खूप अपेक्षा आहेत.