मुंबई - Kartik Aaryan hugged His Ex Sara Ali Khan : सनी देओलचा 'गदर 2' बॉक्स ऑफिसवर प्रचंड कमाई करत आहे. 'गदर 2' बॉक्स ऑफिसवर दररोज नवनवे रेकॉर्ड बनवत आहे. या ब्लॉकबस्टर चित्रपटानं आतापर्यत 500 कोटी रुपयांच्या जवळपास कमाई केली आहे. चाहत्यांपासून ते सेलिब्रिटींपर्यंत सर्वजण या चित्रपटाचे कौतुक करत आहेत. याशिवाय या चित्रपटाची संपूर्ण टीम देखील खूप खूश आहे. दरम्यान आता सनी देओलने चित्रपटाचं यश पाहून मुंबईत 'गदर 2'च्या सक्सेस पार्टीचं आयोजन केले होते. या पार्टीमध्ये अनेक बॉलिवूड कलाकारांनी हजेरी लावली होती.
सारा आणि कार्तिकचा सोशल मीडियावर व्हिडिओ झाला व्हायरल :आता या पार्टीमधील अनेक व्हिडिओ सोशल मीडियावर व्हायरल झाले आहेत. दरम्यान या पार्टीमधला एक व्हिडिओ समोर आला आहे, यामध्ये सारा अली खान आणि कार्तिक आर्यन एकत्र दिसत आहे. या पार्टीमधून बाहेर पडताना सारा आणि कार्तिक मिठी मारताना दिसत आहेत. यावेळी कार्तिकसोबत क्रिती सेननही तिथे उपस्थित होती. सारानं क्रितीला देखील मिठी मारून निरोप घेतला. या पार्टीमध्ये सारासोबत तिचा भाऊ इब्राहिम अली खान देखील आला होता. साराच्या व्हायरल झालेल्या या व्हिडिओवर तिच्या चाहत्यांच्या कमेंट येत आहेत.